PM Modi Gifts Auction: పీఎం మోడీ అందుకున్న బహుమతులు నేటి నుంచి వేలం.. రూ. 1700 నుంచే.. వచ్చిన డబ్బు ఏం చేస్తారంటే?

ప్రధానమంత్రి నరేంద్ర మోడీకి దేశం, ప్రపంచం నుండి వచ్చిన 1300 బహుమతుల ఆన్‌లైన్ వేలం సెప్టెంబర్ 17 నుండి అంటే ప్రధానమంత్రి పుట్టినరోజు నుంచి ప్రారంభమవుతుంది. అక్టోబర్ 2 వరకు కొనసాగుతుంది. బహుమతుల వేలం నుండి వచ్చిన మొత్తాన్ని గంగానది శుద్ధి కోసం ప్రారంభించిన నమామి గంగే మిషన్‌కు ఖర్చు చేస్తారు. 2019 సంవత్సరంలో ప్రారంభమైన ప్రధానమంత్రి బహుమతుల వేలం ఇది ఏడవ ఎడిషన్. ఈసారి వేలానికి ఉంచిన ప్రధాన బహుమతులలో, అత్యంత ముఖ్యమైనవి పారాలింపిక్స్ 2024 ఆటగాళ్ల నుండి అందుకున్న బహుమతులు. వేలానికి ఉంచిన బహుమతుల మూల ధర 17 వందల నుండి 1.03 కోట్ల వరకు ఉండనుంది.

Also Read:Off The Record: జూబ్లీహిల్స్ ఉప ఎన్నిక ఆ ఇద్దరి నాయుకులకు అగ్ని పరీక్షలా మారిందా?

సెప్టెంబర్ 17 నుండి ప్రారంభమయ్యే ప్రధానమంత్రికి అందిన బహుమతుల ఆన్‌లైన్ వేలం గురించి కేంద్ర సాంస్కృతిక మంత్రి గజేంద్ర సింగ్ షెకావత్ సమాచారం ఇస్తూ, గత ఆరు సంవత్సరాలలో, ప్రధానమంత్రికి చెందిన ఏడు వేలకు పైగా బహుమతులు వేలానికి ఉంచబడ్డాయని, దీని ద్వారా రూ. 50.33 కోట్లు సేకరించామని చెప్పారు. ఈ మొత్తాన్ని నమామి గంగే మిషన్‌కు విరాళంగా ఇచ్చారు. ఈసారి కూడా, ఆటగాళ్ల నుండి వచ్చిన బహుమతులు, దేవుళ్లు, దేవతల విగ్రహాలు, పెయింటింగ్‌లు, టోపీలు, కత్తులు, దేవాలయాల నుండి వచ్చిన విగ్రహాలు మొదలైన అనేక ముఖ్యమైన బహుమతులు వేలానికి అందుబాటులో ఉంచారు.

Also Read:Off The Record: అమరావతి విషయంలో వైసీపీ యూ టర్న్ ఆ పార్టీకి ప్లస్సా..? మైనస్సా..?

సెప్టెంబర్ 17 నుండి ఎవరైనా ఈ బహుమతులన్నింటికీ ఆన్‌లైన్‌లో బిడ్డింగ్ చేయొచ్చు. వేలానికి ఉంచిన ప్రధాన బహుమతులలో తుల్జా భవాని విగ్రహం ఉన్నాయి. దీని మూల ధర రూ. 1.03 కోట్లుగా నిర్ణయించారు. పారాలింపిక్స్ 2024 రజత పతక విజేత నిషాద్ కుమార్, కాంస్య పతక విజేత అజిత్ సింగ్, సిమ్రాన్ శర్మల బూట్లు వేలం వేయనున్నారు. వీరి మూల ధర ఒక్కొక్కటి రూ. 7.70 లక్షలుగా నిర్ణయించారు.