Pak Miss Universe: పాకిస్తాన్ మోడల్ ఎరికా రాబిన్ ‘మిస్ యూనివర్స్ ‘ పోటీల్లో కిరీటం దక్కించుకుంది. 24 ఏళ్ల మోడల్ ఎరికా రాబిన్ గురువారం మాల్దీవులలో జరిగిన మిస్ యూనివర్స్ పోటీల్లో విజేతగా నిలిచింది. తొలిసారి పాకిస్తాన్కి ప్రాతినిధ్యం వహించి ‘మిస్ యూనివర్స్ పాకిస్తాన్’ గా నిలిచింది. ఈ టైటిల్ కోసం ఇనామ్ (24), జెస్సికా విల్సన్ (28), మలికా అల్వీ (19), సబ్రినా వాసిమ్ (26) లు పోటీపడ్డారు. మాల్దీవుల్లో జరిగిన తొలి మిస్ యూనివర్స్ పాకిస్థాన్ పోటీల్లో విజేతగా నిలిచిన 24 ఏళ్ల ఎరికా రాబిన్ పై ఆమె స్వదేశంలో విమర్శలు వెల్లువెత్తుతున్నాయి. నవంబర్లో ఎల్ సాల్వడార్లో జరగనున్న గ్లోబల్ మిస్ యూనివర్స్ పోటీలో ఆమె పాల్గొనడంపై ప్రశ్నార్థకం చేస్తూ.. మత పెద్దల నుంచి తాత్కాలిక ప్రధానమంత్రి వరకు, ప్రతి ఒక్కరూ పోటీని, ఎరికా రాబిన్ పాల్గొనడాన్ని విమర్శించారు.
ఈ ఘటన పాకిస్థాన్ను అవమానించడమేనని తీవ్ర సంప్రదాయవాద పాకిస్థాన్లోని మత పెద్దలు అన్నారు. ఈ పోటీల నిర్వాహకులపై ప్రభుత్వం చర్యలు తీసుకోవాలని తాకి ఉస్మానీ అనే ఇస్లామిక్ పండితుడు డిమాండ్ చేశారు. ఎరికా రాబిన్ పాకిస్తాన్కు ప్రాతినిధ్యం వహిస్తున్నారనే ఆలోచనను కూడా ఆయన తొలగించాలన్నారు. పాకిస్తాన్లో ఈ అందాల పోటీ నిర్వాహకులు ఎవరు? ఈ సిగ్గుమాలిన చర్య ఎవరు చేస్తున్నారని రాజకీయ నేత ముస్తాక్ అహ్మద్ ఖాన్ ట్విట్టర్ వేదికగా పేర్కొన్నారు.
Also Read: Women’s Reservation Bill: 2029లో అమలులోకి మహిళా బిల్లు.. బిల్లులో ఎస్సీ/ఎస్టీ కోటా..
దుబాయ్కి చెందిన యుగెన్ గ్రూప్ అనే ఏజెన్సీ పాకిస్థాన్ పేరుతో ఈ కార్యక్రమాన్ని నిర్వహించింది. అయితే ఈ నిర్వహణపై పాకిస్థాన్ ప్రభుత్వం నుంచి ఎలాంటి అనుమతి తీసుకోలేదు. అయినప్పటికీ ఈ పోటీల్లో పాకిస్తాన్ పేరును ఉపయోగించి నట్లు విదేశీ వ్యవహారాల మంత్రిత్వ శాఖ గుర్తించింది. ఈ నేపథ్యంలో నిర్వాహకులపై దర్యాప్తు ప్రారంభించాలని తాత్కాలిక ప్రధాన మంత్రి అన్వర్-ఉల్-హక్ కకర్ పేర్కొన్నారు. పాకిస్థాన్ ఆమోదం లేకుండా దేశం పేరును ఉపయోగించి వారు ఎలా పోటీని నిర్వహించగలిగారని ఆ దేశ నిఘా సంస్థను కోరారు. మాల్దీవుల్లో జరిగిన ఈ పోటీని “సిగ్గుమాలిన చర్య” , “పాకిస్తాన్ మహిళలను అవమానించడం మరియు దోపిడీ చేయడం” అని అన్వర్-ఉల్-హక్ కకర్ పేర్కొన్నారు.
ఎరికా రాబిన్ ఈ అందాల పోటీ గురించి మాట్లాడారు. గ్లోబల్ మిస్ యూనివర్స్ పోటీలో పాకిస్తాన్ పాల్గొనడం ఇదే మొదటిసారి అని తాను నమ్ముతున్నందున తన భుజాలపై చాలా బాధ్యత ఉందని భావించానని చెప్పారు. అయితే, దేశ ప్రతిష్టకు భంగం కలిగించే పని నేను చేయను అని ఆమె తెలిపారు.
Also Read: Upendra: ఇలాంటి టీజర్ ని ఉప్పీ మాత్రమే కట్ చేయగలడు…
దుబాయ్కి చెందిన యుగెన్ గ్రూప్ అనే ఏజెన్సీ ఈ అందాల పోటీని నిర్వహించింది. ఇది మార్చిలో పాకిస్థానీ మహిళల నుంచి దరఖాస్తులను ఆహ్వానిస్తూ ఒక ప్రకటనను విడుదల చేసింది. ఈ ఏజెన్సీ మిస్ యూనివర్స్ బహ్రెయిన్, మిస్ యూనివర్స్ ఈజిప్ట్ ఫ్రాంచైజీలను కూడా కలిగి ఉంది. ఎరికా రాబిన్ ఒక ప్రొఫెషనల్ మోడల్, వందలాది మంది ఇతర నిపుణులతో పాటు దరఖాస్తు చేసుకున్నారు. ఆమె టాప్ 10 కంటెస్టెంట్స్లో చేరి, ఆపై టాప్ 5లో నిలిచింది.
ఎరికా రాబిన్ ఎవరు?
ఎరికా రాబిన్ సెప్టెంబర్ 14, 1999న కరాచీలో జన్మించారు. ఆమె సెయింట్ పాట్రిక్స్ గర్ల్స్ హై స్కూల్ నుంచి పాఠశాల విద్యను అభ్యసించింది. చండీగఢ్లోని ప్రభుత్వ కాలేజ్ ఆఫ్ కామర్స్ అండ్ బిజినెస్ అడ్మినిస్ట్రేషన్కు వెళ్ళింది. ఎరికా రాబిన్ జనవరి 2020లో తన ప్రొఫెషనల్ మోడలింగ్ వృత్తిని ప్రారంభించింది. DIVA మ్యాగజైన్ పాకిస్తాన్ జులై 2020 సంచికలో కనిపించింది. తాను ఒకప్పుడు మోడల్, నటి వనీజా అహ్మద్ దృష్టిని ఆకర్షించానని, ఆమె మోడలింగ్లోకి ప్రవేశించిందని ఆమె ఒక ఇంటర్వ్యూలో వెల్లడించింది.
