Leon Panetta: బిన్ లాడెన్ వేటగాడు మాజీ సీఐఏ అధికారి.. ట్రంప్కు హోర్ముజ్పై కీలక సూచనలు
- మాజీ సీఐఏ అధికారి.. ట్రంప్కు హోర్ముజ్పై కీలక సూచనలు
- ట్రంప్ ఏదో చెప్పి, అది నిజమవుతుందని ఆశిస్తూ ఉంటాడు
- ఇరాన్తో నేరుగా ఘర్షణకు దూరంగా ఉండటం మంచిదని హెచ్చరించారు
బిన్ లాడెన్ను వేటాడిన మాజీ సీఐఏ చీఫ్ ట్రంప్కు హార్ముజ్ సలహామాజీ సీఐఏ డైరెక్టర్, రక్షణ మంత్రి లియన్ పనెట్టా, ఒసామా బిన్ లాడెన్ను చంపిన ఆపరేషన్ను పర్యవేక్షించిన వ్యక్తి, ప్రస్తుత ఇరాన్-అమెరికా సంఘర్షణలో స్ట్రెయిట్ ఆఫ్ హార్ముజ్ మూసివేతపై అమెరికా అధ్యక్షుడు డొనాల్డ్ ట్రంప్కు తీవ్ర హెచ్చరికలు జారీ చేశారు. లియన్ పనెట్టా ది గార్డియన్ పత్రికకు ఇచ్చిన ఇంటర్వ్యూలో, ట్రంప్ ఈ సమస్యకు ఏకైక బాధ్యుడని, ఇరాన్తో యుద్ధం ప్రారంభించిన తర్వాత హార్ముజ్ జలసంధిని మూసివేయడం ద్వారా ఇరాన్ ప్రతీకారం తీర్చుకుంటుందని ముందే తెలిసి కూడా ఆయన నిర్లక్ష్యంగా వ్యవహరించారని విమర్శించారు.
Also Read:CM Chandrababu : హైదరాబాద్ ను మించేలా అమరావతిని నిర్మిస్తాం
ట్రంప్ ఎలాంటి పరిణామాలు చోటుచేసుకుంటాయో తెలిసి కూడా నిర్లక్ష్యంగా ఉన్నాడు. ట్రంప్ ఏదో చెప్పి, అది నిజమవుతుందని ఆశిస్తూ ఉంటాడు. అది పిల్లలు చేసే పని, అధ్యక్షులు కాదు,” అని పనెట్టా (87 ఏళ్లు) తెలిపారు. హార్ముజ్ జలసంధి ప్రపంచ ఆయిల్ ట్రేడ్లో 20% భాగాన్ని తీసుకెళ్తుంది. ఇరాన్ దాన్ని మూసివేయడం వల్ల గ్లోబల్ ఎనర్జీ మార్కెట్లు కుదేలయ్యాయి, ఇంధన ధరలు భారీగా పెరిగాయి. ట్రంప్ ఇరాన్పై దాడులు చేసిన తర్వాత ఇరాన్ ఈ జలసంధిని అమెరికా, దాని మిత్రదేశాలకు మూసివేసింది. పనెట్టా ప్రకారం, జాతీయ భద్రతా సలహాదారులు ఎల్లప్పుడూ ఇరాన్ హార్ముజ్ను ఆయుధంగా ఉపయోగించే అవకాశాన్ని గుర్తించి జాగ్రత్తలు తీసుకునేవారు. కానీ ట్రంప్ ఆ సలహాలను పట్టించుకోలేదు. ఇప్పుడు అమెరికా సైన్యం బలంగా ఉన్నప్పటికీ, ఈ సమస్య నుంచి బయటపడే మార్గం లేకుండా పోయింది.
ట్రంప్ ఎస్కలేట్ చేసి జలసంధిని తిరిగి తెరవాలా లేక వెనక్కి తగ్గాలా అనే దిగ్భ్రాంతిలో ఉన్నారని పనెట్టా చెప్పారు. బరాక్ ఒబామా పాలనలో సీఐఏ, పెంటాగాన్ను నడిపిన పనెట్టా, ట్రంప్ తన నిర్ణయాల వల్ల వచ్చిన పరిణామాలను ఎదుర్కోవాల్సి ఉందని, “మీరే ఈ సమస్యలోకి వచ్చారు” అని హెచ్చరించారు. ఈ యుద్ధం నాలుగో వారంలోకి అడుగుపెట్టగా, హార్ముజ్ మూసివేత వల్ల ప్రపంచ ఆర్థిక వ్యవస్థపై తీవ్ర ప్రభావం పడుతోంది. ట్రంప్ మిత్రదేశాలను జలసంధిని సురక్షితం చేయమని కోరుతున్నారు, కానీ పరిస్థితి మరింత సంక్లిష్టంగా మారుతోంది.
మాజీ సీఐఏ అధికారి సూచనలు
హోర్ముజ్ ప్రాంతంలో సైనిక చర్యలకు ముందు డిప్లమాటిక్ మార్గాలను పూర్తిగా ఉపయోగించాలి
ఇరాన్తో నేరుగా ఘర్షణకు దూరంగా ఉండటం మంచిదని హెచ్చరించారు
అంతర్జాతీయ మిత్ర దేశాలతో కలిసి పనిచేయడం ద్వారా సమస్యలను పరిష్కరించాలి