అమెరికా అధ్యక్షుడు డొనాల్డ్ ట్రంప్ మనసు మార్చుకున్నారు. జపాన్ పై సుంకం 25 నుంచి 15 శాతానికి తగ్గించారు. జపాన్ వాహనాలు, ఇతర ఉత్పత్తులపై సుంకాలను తగ్గించాలని ఆదేశించారు. ఈ నిర్ణయం జూలైలో కుదిరిన ఒప్పందం అమలులో భాగం. అమెరికా, జపాన్ మధ్య నెలల తరబడి జరిగిన చర్చల ఫలితంగా ఈ నిర్ణయం తీసుకున్నట్లు తెలిపారు. ఈ ఒప్పందం జపాన్ ఆటో పరిశ్రమకు ఉపశమనం కలిగించడమే కాకుండా, అమెరికాలో జపాన్ $550 బిలియన్ల పెట్టుబడికి మార్గం సుగమం చేస్తుంది. ఈ ఆర్డర్ ప్రకారం, జపాన్ వాహనాలపై సుంకాలు ప్రస్తుత 27.5% నుంచి 15%కి తగ్గించబడతాయి. ఇది ఈ నెలాఖరు నాటికి అమల్లోకి రావచ్చు.
Also Read:Joe Biden: మాజీ అమెరికా అధ్యక్షుడుకు ఏమైంది? తలపై ఆ గాయమేంటి?
డొనాల్డ్ ట్రంప్ గురువారం కొత్త అమెరికా-జపాన్ వాణిజ్య ఒప్పందాన్ని అమలు చేస్తూ కార్యనిర్వాహక ఉత్తర్వుపై సంతకం చేశారు. దీనిని ‘అమెరికా-జపాన్ వాణిజ్య సంబంధాల కొత్త శకం’ ప్రారంభం అని ఆయన అభివర్ణించారు. ఈ ఆర్డర్ అమెరికాలోకి జపాన్ దిగుమతులన్నింటిపై 15 శాతం బేస్లైన్ సుంకాన్ని విధిస్తుంది. అదే సమయంలో ఆటోమొబైల్స్, ఆటో విడిభాగాలు, ఏరోస్పేస్ ఉత్పత్తులు, జనరిక్ మందులు, దేశీయంగా అందుబాటులో లేని సహజ వనరులకు రంగాలవారీగా మినహాయింపులను అందిస్తుంది.
ప్రారంభ దశలో, ట్రంప్ ప్రభుత్వం జపాన్, దక్షిణ కొరియాపై 25 శాతం సుంకం విధిస్తున్నట్లు ప్రకటించింది. ఈలోగా, అమెరికా, జపాన్ మధ్య వాణిజ్య ఒప్పందంపై చర్చలు నిలిచిపోయాయి. ఇప్పుడు చివరకు ట్రంప్ పరిపాలన జపాన్పై 15 శాతం బేస్లైన్ సుంకం విధించడానికి ఆమోదం తెలిపింది. ఈ ఒప్పందం ప్రకారం, యునైటెడ్ స్టేట్స్ అమెరికాలోకి దాదాపు అన్ని జపనీస్ దిగుమతులపై 15 శాతం బేస్లైన్ సుంకాన్ని విధిస్తుంది” అని వైట్ హౌస్ ప్రకటన పేర్కొంది.
Also Read:USA: “భారతీయుల వల్లే ఉద్యోగాలు కోల్పోతున్నాం”.. యూఎస్ ఇన్ఫ్లూయెన్సర్ల బలుపు మాటలు..
ఈ ఒప్పందం ప్రకారం, జపాన్ అమెరికాలో తయారైన వాణిజ్య విమానాలు, రక్షణ పరికరాలు, బియ్యం, మొక్కజొన్న, సోయాబీన్స్, ఎరువులు బయోఇథనాల్ వంటి బిలియన్ డాలర్ల విలువైన వ్యవసాయ ఉత్పత్తులను కొనుగోలు చేయడానికి కూడా కట్టుబడి ఉంది. టోక్యో కనీస యాక్సెస్ ప్లాన్ కింద బియ్యం దిగుమతులను 75 శాతం పెంచడానికి అంగీకరించింది, దీని వలన జపాన్కు అమెరికా వ్యవసాయ ఎగుమతులు సంవత్సరానికి దాదాపు $8 బిలియన్లకు పెరుగుతాయని అంటున్నారు.
