Bihar: దేశానికి ప్రధాని ఎలా ఉండాలి, నితీష్ కుమార్లా ఉండాలి…! బీహార్లో విద్యార్థులు నినాదాలు
Bihar News: దేశంలో లోక్సభ ఎన్నికలు దగ్గరపడుతున్నాయి. ఎన్నికలకు తక్కువ సమయం ఉండటంతో రాజకీయ పార్టీలు సన్నాహాలు ప్రారంభించాయి. ‘ఇండియా’ కూటమి (INDIA) ఎన్డిఎ మధ్య హోరాహోరీ పోరు సాగుతోంది. అయితే భారత కూటమి నుంచి ప్రధానమంత్రి అభ్యర్థి ఎవరనేది ఇంకా ఖరారు కానప్పటికీ, బీహార్ ముఖ్యమంత్రి పేరు తరచుగా చర్చనీయాంశమైంది. ‘నితీష్ కుమార్ దేశ ప్రధానిగా ఉండాలి’ అనే నినాదం చాలాసార్లు వినిపించింది. మంగళవారం మరోసారి అదే తరహాలో నినాదాలు చేశారు.
Read Also: Uttar Pradesh: పెళ్లి కావడం లేదని శివలింగాన్ని దొంగలించిన ఓ వ్యక్తి
ఉపాధ్యాయ దినోత్సవం సందర్భంగా.. పాట్నా యూనివర్సిటీలో సన్మాన కార్యక్రమానికి నితీష్ కుమార్ హాజరయ్యారు. ఈ కార్యక్రమంలో ఆయన ప్రసంగిస్తుండగా.. ‘దేశ ప్రధాని ఎలా ఉండాలి, నితీష్ కుమార్ లా ఉండాలి’ అంటూ కొందరు విద్యార్థులు నినాదాలు చేశారు. ఇది విన్న సీఎం నితీశ్ కుమార్ స్పందిస్తూ.. మౌనంగా ఉండండి, పిచ్చి మాటలు మాట్లాడొద్దన్నారు. ఈరోజు లేవనెత్తిన నినాదం కొత్తదేమీ కాదు. ఇంతకు ముందు కూడా నితీష్ కుమార్కు మద్దతుగా ఇలాంటి నినాదాలు చాలాసార్లు వినపడ్డాయి. ఈ వ్యాఖ్యలపై సీఎం నితీశ్ కుమార్ కూడా చాలాసార్లు క్లారిటీ ఇచ్చారు. కేవలం ప్రతిపక్షాలను ఏకం చేయాలని.. కేంద్రంపై గట్టిగా పోరాడాలన్నారు.
Read Also: Sale of Woman: రూ.40వేలకు మహిళ విక్రయం.. గదిలో బంధించి..!