CPI Ramakrishna: కేంద్ర మంత్రి బండి సంజయ్‌పై సీపీఐ రామకృష్ణ ఫైర్..

కేంద్ర మంత్రి బండి సంజయ్‌పై సీపీఐ రామకృష్ణ ఫైర్ అయ్యారు.. గద్దర్ పై బండి సంజయ్ వ్యాఖ్యలను ప్రజా తంత్ర వాదులు తీవ్రంగా ఖండించాలన్నారు.. బుధవారం ఆయన మాట్లాడుతూ.. “గద్దర్ ఏనాడూ అవార్డుల కోసం, పదవుల కోసం ఎదురు చూడలేదు.. ప్రజల పక్షాన పోరాటం చేసిన గొప్ప కళాకారుడు. కేంద్ర మంత్రి బండి సంజయ్ కాదు ఆయన తొండి సంజయ్.. అవార్డులు కేంద్రం ఇస్తుందా.. లేక బీజేపీ పార్టీ ఇస్తుందా? కుంభమేళా తొక్కిసలాటపై యూపీ సీఎం జాతికి క్షమాపణ చెప్పాలి.. కనీస సౌకర్యాలు కల్పించలేని ప్రభుత్వ వైఫల్యం వలనే తొక్కిసలాట జరిగింది..” అని రామకృష్ణ వ్యాఖ్యానించారు.

READ MORE: Kandula Durgesh: గుడ్‌న్యూస్.. త్వరలో అర్ధరాత్రి వరకు హోటల్స్ ఓపెన్..

ఇదిలా ఉండగా.. కేంద్ర హోం శాఖ సహాయ మంత్రి బండి సంజయ్ ఇటీవల మీడియాతో మాట్లాడుతూ.. ప్రజా గాయకుడు గద్దర్ పై సంచలన వ్యాఖ్యలు చేశారు. గద్దర్ కు పద్మ అవార్డు ఎలా వస్తుందని, నమ్మిన సిద్దాంతం కోసం బీజేపీ కార్యకర్తలు ప్రజాస్వామ్య బద్దంగా ఆందోళన చేస్తే.. నక్సలైట్లతో కలిసి గద్దర్ బీజేపీ కార్యకర్తలను హత్య చేయించారని వ్యాఖ్యానించారు. చాలా మంది పోలీసులు, జవాన్లను గద్దర్ చంపారన్నారు. దీనిపై కాంగ్రెస్ నాయకులు ఘాటుగా స్పందిస్తున్నారు. బీజేపీ భావజాలం ఉంటేనే పద్మ అవార్డులు ఇస్తారా? అని, అవార్డులు రావాలంటే బీజేపీకి జై కొట్టాలా అని ప్రశ్నిస్తున్నారు. దీనిపై బండి సంజయ్ మరోసారి స్పందిస్తూ.. గద్దర్ మీద విమర్శలు చేయడం ఏంటని అంటున్నారని.. కానీ నక్సలైట్లు చాలామంది కార్యకర్తలను చంపారు కదా? అని ప్రశ్నించారు.

READ MORE: Saif Ali Khan : సైఫ్ అలీఖాన్‌పై దాడి.. నిందితులకు 14 రోజుల జ్యుడీషియల్ కస్టడీ