12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
- Follow Us :
-
-
Add as a preferred
source on google
OPPO Pad Air6 Launched: చైనాలో ఒప్పో రెనో17 సిరీస్ స్మార్ట్ఫోన్లతో పాటు కొత్త ట్యాబ్లెట్ ఒప్పో ప్యాడ్ ఎయిర్ 6 (OPPO Pad Air6)ను కంపెనీ అధికారికంగా లాంచ్ చేసింది. ముఖ్యంగా విద్యార్థులు, ఆన్లైన్ క్లాసులు వినేవారు, మల్టీమీడియా కంటెంట్ చూసేవారిని లక్ష్యంగా చేసుకుని ఈ ట్యాబ్లెట్ను తీసుకొచ్చింది. ఇందులో 12.1 అంగుళాల 2.8K డిస్ప్లే, 120Hz రిఫ్రెష్ రేట్, క్వాడ్ స్పీకర్లు, భారీ బ్యాటరీ వంటి మంచి ఫీచర్లు ఉన్నాయి.
డిస్ప్లే & డిజైన్
ఒప్పో ప్యాడ్ ఎయిర్ 6 ట్యాబ్లెట్ కేవలం 6.89mm మందంతో స్లిమ్ డిజైన్ను కలిగి ఉంది. ఇందులో 12.1 అంగుళాల 2.8K డిస్ప్లేను అందించారు. ఇది 2800 × 1980 పిక్సెల్స్ రిజల్యూషన్, 120Hz గరిష్ఠ రిఫ్రెష్ రేట్తో పనిచేస్తుంది. వినియోగాన్ని బట్టి 30Hz, 60Hz, 90Hz, 120Hz మధ్య ఆటోమేటిక్గా రిఫ్రెష్ రేట్ మారుతుంది. దీనివల్ల బ్యాటరీ వినియోగం కూడా సమర్థంగా ఉంటుంది. ఇందులో న్యూ జనరేషన్ బ్రైట్ ఐ సాఫ్ట్ లైట్ స్క్రీన్ టెక్నాలజీని అందించారు. ఇది మ్యాట్ తరహా ఫినిషింగ్తో వస్తుంది. హై బ్రైట్నెస్ మోడ్లో గరిష్ఠంగా 900 నిట్స్ బ్రైట్నెస్ అందిస్తుంది.
Also Read
- Oppo Reno 17, Reno 17 Pro: 200MP కెమెరా, 8,000mAh బ్యాటరీ.. కొత్త Oppo Reno 17 సిరీస్ వచ్చేసింది!
- 10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
- Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
- Apple Health AI App: ChatGPTకి పోటీగా Apple కొత్త AI హెల్త్ యాప్.. వైద్య పరిశోధనలతో ఆరోగ్య సమస్యలకు సమాధానాలు!
నోట్స్, స్టడీ ఫీచర్లు
విద్యార్థుల అవసరాలను దృష్టిలో ఉంచుకుని OPPO Notes యాప్ను అప్గ్రేడ్ చేసింది. ఇందులో చేతిరాతతో నోట్స్ రాసుకునే సదుపాయం ఉంది. PDF ఫైళ్లను ఇంపోర్ట్ చేసుకోవడం, డాక్యుమెంట్లపై నేరుగా నోట్స్ రాయడం, ఫొటోలు జోడించడం, ఆడియో రికార్డింగ్ వంటి ఫీచర్లు ఉన్నాయి. లెక్చర్లు, స్టడీ సెషన్ల కోసం ప్రత్యేక నోట్ టెంప్లేట్లు కూడా అందించారు. ఈ ట్యాబ్లెట్ ఆండ్రాయిడ్ 17 ఆధారిత ColorOS 17 ఆపరేటింగ్ సిస్టమ్పై పనిచేస్తుంది.
ప్రాసెసర్ & కెమెరా
OPPO Pad Air6లో MediaTek Dimensity 7360 Super 4nm ప్రాసెసర్ను ఉపయోగించారు. ఇది గరిష్ఠంగా 2.5GHz క్లాక్ స్పీడ్తో పనిచేస్తుంది. గ్రాఫిక్స్ కోసం Arm Mali-G615 GPU అందించారు. 8GB, 12GB LPDDR5X RAM ఆప్షన్లతో పాటు 128GB, 256GB UFS 3.1 స్టోరేజ్ వేరియంట్లు ఉన్నాయి. ఫొటోలు, వీడియో కాల్స్ కోసం ముందు, వెనుక భాగాల్లో 8MP కెమెరాలను అందించారు. ఆడియో కోసం నాలుగు స్పీకర్లు, రెండు మైక్రోఫోన్లు ఉన్నాయి. USB Type-C ఆడియో సపోర్ట్ కూడా ఉంది.
10,050mAh భారీ బ్యాటరీ
ఈ ట్యాబ్లెట్లో 10,050mAh సాధారణ సామర్థ్యం కలిగిన బ్యాటరీని అందించారు. దీనికి 33W SuperVOOC ఫాస్ట్ ఛార్జింగ్ సపోర్ట్ ఉంది. కనెక్టివిటీ విషయానికి వస్తే Wi-Fi 6, Bluetooth 5.4, USB Type-C సదుపాయాలు ఉన్నాయి. అలాగే సమీపంలోని ఒప్పో స్మార్ట్ఫోన్ నుంచి 5G మొబైల్ డేటాను షేర్ చేసుకునే ఫీచర్ కూడా ఉంది.
OPPO Pad Air6 ధరలు
ఈ ఒప్పో ప్యాడ్ ఎయిర్ 6 చైనాలో నవంబర్ 20 నుంచి అమ్మకానికి రానుంది. వివిధ వేరియంట్ల ధరలు ఇలా ఉన్నాయి.
* 8GB RAM + 128GB స్టోరేజ్: 3,099 యువాన్లు (సుమారు 464 డాలర్లు / రూ.43,625).
* 8GB RAM + 256GB స్టోరేజ్: 3,499 యువాన్లు (సుమారు 524 డాలర్లు / రూ.49,255).
* 8GB RAM + 256GB స్టోరేజ్ (మ్యాట్ డిస్ప్లే): 3,799 యువాన్లు (సుమారు 569 డాలర్లు / రూ.53,475).
*12GB RAM + 256GB స్టోరేజ్: 3,999 యువాన్లు (సుమారు 599 డాలర్లు / రూ.56,290).
* 12GB RAM + 256GB స్టోరేజ్ (మ్యాట్ డిస్ప్లే): 4,299 యువాన్లు (సుమారు 644 డాలర్లు / రూ.60,515).
లాంచ్ సందర్భంగా పరిమిత కాల ప్రమోషనల్ ఆఫర్లో బేస్ వేరియంట్ను 2,599 యువాన్లకు అందించనున్నారు. అర్హత కలిగిన ప్రభుత్వ సబ్సిడీలను కలిపితే దీని ధర 2,209.15 యువాన్లకు తగ్గుతుంది. ప్రస్తుతానికి చైనా మార్కెట్లో మాత్రమే ఈ ట్యాబ్లెట్ను ప్రకటించారు. భారత్లో విడుదలపై కంపెనీ ఎలాంటి వివరాలు తెలపలేదు.
తాజావార్తలు
-
ONGC Gas Leak: కోనసీమలో మరోసారి ఓఎన్జీసీ గ్యాస్ లీక్ కలకలం
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
-
Oppo Reno 17, Reno 17 Pro: 200MP కెమెరా, 8,000mAh బ్యాటరీ.. కొత్త Oppo Reno 17 సిరీస్ వచ్చేసింది!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
ట్రెండింగ్
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!