Kavach Technology : రైలు ప్రమాదాల నివారణకు కోట్లు ఖర్చు పెట్టి తెచ్చిన కవచ్ వ్యవస్థ ఏమైంది?
- Follow Us :
-
-
Add as a preferred
source on google
Kavach Technology : ఒడిశాలోని బాలాసోర్ సమీపంలో శుక్రవారం రాత్రి 7 గంటల ప్రాంతంలో ఘోర రైలు ప్రమాదం జరిగింది. 2016-17 సంవత్సరం తర్వాత జరిగిన అతి పెద్ద రైలు ప్రమాదం ఇదే. గత ఏడేళ్లుగా రైలు ప్రమాదాలు నిలిచిపోయాయి. అయితే ఈ ప్రమాదం రైల్వే భద్రతా కవాచ్ పథకంపై ప్రశ్నలను లేవనెత్తింది. షాలిమార్-చెన్నై కోరమాండల్ ఎక్స్ప్రెస్ (12841) గూడ్స్ రైలును ఢీకొంది. ఆ తర్వాత రైలులోని పలు కోచ్లు పట్టాలు తప్పాయి. ఎక్స్ప్రెస్ ఇంజిన్ గూడ్స్ రైలు వ్యాగన్పైకి ఎక్కింది. ఇందులో దాదాపు 18 కోచ్లు పట్టాలు తప్పాయి.
ఒడిశా డిజాస్టర్ రాపిడ్ యాక్షన్ ఫోర్స్ టీమ్ను ఒడిశాలోని స్పెషల్ రిలీఫ్ కమిషనర్ (ఎస్ఆర్సి) వెంటనే బాలాసోర్కు పంపించారు. ఒడిశా ప్రభుత్వ ఆదేశాల మేరకు చుట్టుపక్కల జిల్లాల నుంచి అదనపు అగ్నిమాపక దళం, వైద్యులు, అంబులెన్స్లను సంఘటనా స్థలానికి పంపించారు. పశ్చిమ బెంగాల్ ముఖ్యమంత్రి మమతా బెనర్జీ ఒడిశా ముఖ్యమంత్రితో మాట్లాడి సహాయక చర్యలకు పూనుకున్నారు.
సెక్యూరిటీ టెక్నాలజీపై రెండు రోజుల సమావేశం
జూన్ 1న న్యూఢిల్లీలోని మానేక్షా సెంటర్లో రైల్వే మంత్రిత్వ శాఖ, రైల్వే భద్రత, సాంకేతికతపై రెండు రోజుల ప్రత్యేక శిబిరాన్ని నిర్వహించింది. ఇందులో రైల్వే మంత్రి అశ్విని వైష్ణవ్తో సహా రైల్వే బోర్డు సీనియర్ అధికారులందరూ పాల్గొన్నారు. రైలు భద్రత, నూతన సాంకేతికతలను స్వీకరించడంపై రైల్వే మంత్రి ఉద్ఘాటించారు. 30,000 ఆర్కెఎమ్లకు రైలు వేగాన్ని 160 కిమీలకు పెంచాలని ఆయన అధికారులను కోరారు. ఏటా 1100 కోట్ల మంది ప్రయాణికుల అవసరాలు, రద్దీని ఎదుర్కొనే సాంకేతికతపై తాము కృషి చేస్తున్నామని చెప్పారు.
రైళ్లు ఢీకొనడాన్ని నిరోధించడానికి ‘కవాచ్’
రైల్వే మంత్రి అశ్విని వైష్ణవ్ రాజ్యసభలో ఒక ప్రశ్నకు సమాధానంగా, భారతీయ రైల్వే ప్రమాద నిరోధక వ్యవస్థ ‘కవచ్’ దేశవ్యాప్తంగా దశలవారీగా అమలు చేయబడుతుందని చెప్పారు. ఆర్డిఎస్ఓ అంటే రీసెర్చ్ డిజైన్ అండ్ స్టాండర్డ్స్ ఆర్గనైజేషన్ పథకం కింద, దక్షిణ మధ్య రైల్వేలో ఇప్పటికే 1,455 రూట్ కిలోమీటర్లు కవర్ చేయబడ్డాయి. ఈ సంస్థ దేశవ్యాప్తంగా వేగంగా నడుస్తోంది. నిజానికి దేశంలోని రైల్వే మార్గాల్లో ప్రమాదాలను నివారించడానికి, రైల్వే బోర్డు 34,000 కిలోమీటర్ల రైలు మార్గాల్లో కవచ్ టెక్నాలజీని ఆమోదించింది. ఇది మార్చి 2024 నాటికి దేశంలో అత్యంత రద్దీగా ఉండే రైలు మార్గాలలో కవచ్ టెక్నాలజీని ఇన్స్టాల్ చేయాలని లక్ష్యంగా పెట్టుకుంది. కవచ్ ప్రత్యేకత ఏమిటంటే, దీనిని ఉపయోగించి రైళ్లు ఎదురుగా లేదా వెనుక నుండి ఢీకొనవు. ఇలాంటి పరిస్థితుల్లో కవాచ్ ఆటోమేటిక్గా రైలును వెనక్కి తీసుకువెళుతుంది.
Read Also:Ashwini Vaishnav: ఆర్బీఐ మాజీ గవర్నర్ రఘురామ్ రాజన్పై విరుచుకుపడ్డ కేంద్ర మంత్రి అశ్విని వైష్ణవ్
కవచ్ టెక్నాలజీని ఏర్పాటు చేసేందుకు 2021-22 సంవత్సరంలో రూ.133 కోట్లు విడుదలయ్యాయి. 2022-2023లో కవచ్ స్థాపన కోసం 272.30 కోట్ల ప్రత్యేక బడ్జెట్ కేటాయించబడింది. రైల్వే మంత్రిత్వ శాఖ ప్రకారం, ప్రమాదాలను నివారించడానికి రైలు రక్షణ, హెచ్చరిక వ్యవస్థ (TPWS) ఒక ముఖ్యమైన వ్యవస్థ. ఇందులో రైల్వే ఇంజిన్లోని క్యాబ్లో అమర్చిన స్క్రీన్పై ప్రతి సిగ్నల్ కనిపిస్తుంది. రైలు ఎంత వేగంగా కదులుతుందో పైలట్లు తమ స్క్రీన్పై చూడగలుగుతారు. దట్టమైన పొగమంచు, వర్షం లేదా ఇతర కారణాల వల్ల, చెడు వాతావరణంలో రైళ్ల వేగం నెమ్మదిస్తుంది.