Indian Navy SSC Officer 2026: ఇండియన్ నేవీలో చేరుతారా? ఈ ఛాన్స్ ను మిస్ చేసుకోకండి.. అర్హులు వీరే

భారత నావికాదళంలో కెరీర్ స్టార్ట్ చేయాలనుకునే వారికి ఇదొక గోల్డెన్ ఛాన్స్. భారత నావికాదళం షార్ట్ సర్వీస్ కమిషన్ ఆఫీసర్స్ (నేవీ షార్ట్ సర్వీస్ కమిషన్ ఆఫీసర్స్ – జనవరి 2027 (ST 27) కోర్సు) కోసం నోటిఫికేషన్ జారీ చేసింది. అర్హత ప్రమాణాలను కలిగి ఉన్న అభ్యర్థులు జనవరి 24 నుండి ఫిబ్రవరి 24, 2026 వరకు ఆన్ లైన్ లో దరఖాస్తు చేసుకోవచ్చు. ఈ నియామక ప్రక్రియ ద్వారా మొత్తం 260 ఖాళీలను భర్తీ చేస్తారు.

Also Read:FASTag Mandatory: “ఏప్రిల్ 1 నుంచి టోల్ ప్లాజాల్లో కొత్త రూల్.. ఫాస్టాగ్ లేకపోతే బండి కదలదు!”

భారత నావికాదళంలోని ఎగ్జిక్యూటివ్ బ్రాంచ్‌లో జనరల్ సర్వీస్, ఎయిర్ ట్రాఫిక్ కంట్రోలర్, నావల్ ఎయిర్ ఆపరేషన్స్ ఆఫీసర్, పైలట్ SSC ఆఫీసర్, లాజిస్టిక్స్ SSC ఆఫీసర్ పోస్టులకు దరఖాస్తు చేసుకోవడానికి, అభ్యర్థులు పోస్ట్‌ను బట్టి ఎలక్ట్రానిక్స్-ఫిజిక్స్/MSc IT/MCA మొదలైన వాటిలో BE/BTech/మాస్టర్స్ డిగ్రీ పూర్తి చేసి ఉండాలి. అభ్యర్థులు పోస్ట్‌ను బట్టి జనవరి 2, 2002/2003, జూలై 1, 2006/2007/జనవరి 1, 2008 మధ్య జన్మించి ఉండాలి. ఈ నియామకానికి, అభ్యర్థులను అర్హత ఆధారంగా షార్ట్‌లిస్ట్ చేస్తారు. SSB ఇంటర్వ్యూకు ఆహ్వానిస్తారు. SSB ఆధారంగా మెరిట్ జాబితా తయారు చేస్తారు. నియామకానికి సంబంధించిన మరిన్ని వివరాల కోసం, అభ్యర్థులు అధికారిక నోటిఫికేషన్‌ కోసం ఇక్కడ క్లిక్ చేయండి.

Also Read:TDP vs Jana Sena Clash: టీడీపీ వర్సెస్‌ జనసేన.. కొట్టుకున్న నేతలు..!

అర్హత ప్రమాణాలను కలిగి ఉన్న అభ్యర్థులు భారత నావికాదళ అధికారిక నియామక పోర్టల్, joinindiannavy.gov.in ని సందర్శించడం ద్వారా ఈ నియామకానికి దరఖాస్తు చేసుకోవచ్చు. దరఖాస్తు ప్రక్రియను పూర్తి చేయడానికి, ముందుగా రిజిస్టర్ చేసుకోండి. తరువాత లాగిన్ అవ్వండి. ఇతర వివరాలను పూరించడం ద్వారా దరఖాస్తు ప్రక్రియను పూర్తి చేయండి. దరఖాస్తు చేసుకోవడానికి అభ్యర్థులు ఆధార్ నంబర్ కలిగి ఉండాలి.