Air Force Helicopter: తప్పిన పెను ప్రమాదం.. ఎయిర్‌ఫోర్స్ హెలికాప్టర్ ఎమర్జెన్సీ ల్యాండింగ్

Air Force Helicopter: సాంకేతిక లోపం కారణంగా 20 మంది ఎయిర్‌మెన్‌లతో కూడిన ఎంఐ-17 ఐఏఎఫ్ హెలికాప్టర్ ఆదివారం మధ్యాహ్నం జోధ్‌పూర్‌లోని లోహావత్ ప్రాంతంలో అత్యవసరంగా ల్యాండింగ్ అయింది. ఎంఐ-17 హెలికాప్టర్ జోధ్‌పూర్ ఎయిర్‌బేస్ నుంచి ఫలోడీ ఎయిర్‌బేస్‌కు బయలుదేరింది. కొంత సమయం తర్వాత ఆ హెలికాప్టర్‌ను జోధ్‌పూర్‌లోని పిల్వా గ్రామంలో అత్యవసర ల్యాండింగ్ చేయాల్సి వచ్చింది. “మధ్యాహ్నం 2.30 గంటల సమయంలో, సాంకేతిక లోపం కారణంగా హెలికాప్టర్ పిల్వా గ్రామంలో అత్యవసరంగా ల్యాండింగ్ చేయబడింది” అని అధికారి తెలిపారు.

Read Also: Gorakhpur Horror: ఆస్తి తగాదాలు.. తండ్రిని సుత్తితో చంపి, మృతదేహాన్ని ముక్కలుగా చేసి..

ఆర్మీ బృందం సంఘటనా స్థలానికి చేరుకున్న తర్వాత లోపాలను సరిదిద్దడంతో హెలికాప్టర్ మళ్లీ బయలుదేరింది. కొంతసేపటి తర్వాత హెలికాప్టర్ సురక్షితంగా బయలుదేరి ఫలోడి విమానాశ్రయానికి చేరుకుంది. హెలికాప్టర్ దాని గమ్యస్థానానికి సుమారు గంట ఆలస్యం తర్వాత టేకాఫ్ చేయగలిగింది. పోలీసులు కూడా ఘటనా స్థలానికి చేరుకుని హెలికాప్టర్ టీమ్‌కు సహాయం చేసి, జనాన్ని అదుపు చేశారని ప్రసాద్ తెలిపారు.