గుజరాత్లో ఓ షాకింగ్ సంఘటన వెలుగులోకి వచ్చింది. అహ్మదాబాద్లోని ధోల్కాలో ఓ 35 ఏళ్ల వ్యక్తి తన భార్య ఆమె సొంత సోదరుడితో లైంగిక సంబంధం కలిగి ఉందని తెలుసుకుని ఆత్మహత్య చేసుకున్నాడు. ఈ సంఘటన నవంబర్ 7న జరగగా.. మృతుడి తండ్రి పోలీసులకు ఫిర్యాదు చేయడంతో విషయం వెలుగులోకి వచ్చింది. కుమారుడి జేబులో దొరికిన సూసైడ్ నోట్తో తండ్రి పోలీసులకు ఫిర్యాదు చేశాడు. తన కుమారుడు వివాహం చేసుకున్న మహిళకు గతంలోనే నలుగురు వ్యక్తులతో వివాహం అయిందని ఫిర్యాదులో పేర్కొన్నాడు.
సూసైడ్ నోట్లోని వివరాల ప్రకారం… మృతుడు 2009లో ధోల్కాకు చెందిన ఓ మహిళను వివాహం చేసుకున్నాడు. అనివార్య కారణాల వల్ల వీరు 2017లో చట్టబద్ధంగా విడిపోయారు. గత ఫిబ్రవరిలో అతడు మరొక మహిళను వివాహం చేసుకున్నాడు. వివాహం తరువాత భార్యతో కలిసి ధోల్కాలో నివాసం ఉంటున్నాడు. తన భార్య ఆమె సొంత సోదరుడితో లైంగిక సంబంధం కలిగివుందని మూడు నెలల క్రితం తెలిసింది. ఓ రోజు ఇంట్లో తన భార్య ఆమె సోదరుడితో ఏకాంతంగా ఉండడాన్ని చూశాడు. ఈ విషయం గురించి భార్యను నిలదీయగా.. ఆమె తన సోదరుడితో కలిసి దాడి చేయడమే కాకుండా బెదిరించింది కూడా.
Also Read: KL Rahul-LSG: అందుకే ఎల్ఎస్జీ నుంచి బయటికి వచ్చా: కేఎల్ రాహుల్
తన భార్య గతంలో నలుగురిని పెళ్లి చేసుకుందని మృతుడు తెలుసుకున్నాడు. తీవ్ర మనస్థాపం చెందిన అతడు విషం తాగాడు. పరిస్థితి విషమించడంతో నవంబర్ 7న మరణించాడు. విషయం తెలుసుకున్న మృతుడి తండ్రి ఆస్పత్రికి వచ్చి చూడగా.. అతడి ప్యాంటు జేబులో ఓ సూసైడ్ నోట్ దొరికింది. దాని ఆధారంగా పోలీసులకు మృతుడి తండ్రి ఫిర్యాదు చేశాడు. మృతుడి భార్య, ఆమె సోదరుడు, మరో ముగ్గురు కుటుంబ సభ్యులపై పోలీసులు కేసు నమోదు చేశారు.
