VC Sajjanar : MGBSలో ఆధార్‌ సేవలు.. వినియోగించుకోవాలన్న సజ్జనార్‌

ఆధార్ కార్డు ప్రతి ఒక్కరి జీవితంలో భాగమైపోయింది. అన్ని పనులు ఆధార్ ఆధారితంగా మారాయి. సిమ్ కార్డుతో కారు కొనాలంటే ఆధార్ కార్డు తప్పనిసరిగా మార్చాలి. కాబట్టి మీరు ఆధార్‌ను అప్‌డేట్ చేయడానికి ఆధార్ కేంద్రానికి వెళ్లాలి. అయితే అలాంటి వారి కోసం తెలంగాణ ఆర్టీసీ కొత్త నిర్ణయం తీసుకుంది. బస్టాండ్‌లో ఆధార్‌ కేంద్రం ఏర్పాటుకు శ్రీకారం చుట్టారు. హైదరాబాద్‌లోని ఎంజీబీఎస్‌ బస్టాండ్‌లో ప్రయాణికుల కోసం ఆధార్‌ కేంద్రాన్ని ఏర్పాటు చేశారు.

Also Read : Rashid Khan: రషీద్ ఖాన్ వరల్డ్ రికార్డ్.. టీ20లోనే అగ్రస్థానం

ఈ విషయాన్ని ఆర్టీసీ ఎండీ సజ్జనార్‌ ట్విట్టర్‌లో వెల్లడించారు. ఆధార్ సెంటర్ ఫొటోలను సజ్జనార్ పంచుకున్నారు.. ‘టీఎస్‌ఆర్టీసీ ప్రయాణికులు, కంపెనీ ఉద్యోగుల కోసం యూఐడీఏఐ సహకారంతో హైదరాబాద్‌లోని ఎంజీబీఎస్ ప్రాంగణంలో ఆధార్ సేవా కేంద్రాన్ని ఏర్పాటు చేసింది. సోమవారం నుంచి వారం రోజుల పాటు ఈ కేంద్రం అందుబాటులో ఉంటుంది. ఈ కేంద్రంలో కొత్త ఆధార్ నమోదుతో పాటు పాత ఆధార్‌ను కూడా అప్‌డేట్ చేసుకోవచ్చు. తాజాగా ప్రతి పదేళ్లకోసారి ఆధార్‌ను అప్‌డేట్‌ చేసుకోవడాన్ని తప్పనిసరి చేస్తూ మార్గదర్శకాలు జారీ చేసింది. ఈ సేవా కేంద్రాన్ని వినియోగించే ప్రతి ఒక్కరూ ఆధార్‌ను అప్‌డేట్ చేసుకోవాలి. ఆర్టీసీ ప్రయాణికులతో పాటు ఉద్యోగులకు ఎంతో ఉపయోగకరంగా ఉంటుంది. ప్రతి పదేళ్లకోసారి ఆధార్ కార్డును అప్ డేట్ చేయాలని కేంద్రం మార్గదర్శకాలు జారీ చేసిన నేపథ్యంలో ఈ సేవలు ఉపయుక్తంగా ఉంటాయని అధికారులు చెబుతున్నారు.

Also Read : Amit Shah: చైనాకు అమిత్ షా స్ట్రాంగ్ కౌంటర్.. ఒక్క అంగుళం కూడా తీసుకోలేరు