Karnataka-Maharashtra: కర్ణాటకలో విలీనాన్ని కోరుకుంటున్న మహారాష్ట్ర గ్రామాలు
- Follow Us :
-
-
Add as a preferred
source on google
Karnataka-Maharashtra: మహారాష్ట్రలోని 11 గ్రామాలు ప్రాథమిక సౌకర్యాలపై కర్ణాటకలో విలీనాన్ని కోరుతున్నాయి. తమ ప్రాంతాల్లో సరైన రోడ్లు, విద్యుత్, మంచినీటి వసతి లేదని గ్రామస్తులు ఆవేదన వ్యక్తం చేస్తున్నారు. మహారాష్ట్రలోని షోలాపూర్ జిల్లాలోని అక్కల్కోట్ తహసీల్లోని 11 గ్రామాలు తమకు కనీస సౌకర్యాలు కల్పించాలని లేదా పక్కనే ఉన్న కర్ణాటకలో విలీనం చేసేందుకు అనుమతి ఇవ్వాలని జిల్లా యంత్రాంగాన్ని కోరాయి. మహారాష్ట్ర-కర్ణాటక మధ్య దశాబ్దాలుగా కొనసాగుతున్న సరిహద్దు వివాదం మరోసారి రాజుకున్న తరుణంలో విలీన డిమాండ్ వచ్చింది. రెండు రాష్ట్రాల మధ్య పరస్పరం నియంత్రణలో ఉన్న నిర్దిష్ట సరిహద్దు ప్రాంతాల విషయంలో వివాదం నెలకొంది.
కర్ణాటక ముఖ్యమంత్రి బసవరాజ్ బొమ్మై గతంలో జాట్ తాలూకా, అక్కల్కోట్ తహసీల్, షోలాపూర్లోని కొన్ని కన్నడ మాట్లాడే ప్రాంతాలను కర్ణాటకలో చేర్చాలని అన్నారు. సరిహద్దు అంశాన్ని మహారాష్ట్రలోని అన్ని ప్రభుత్వాలు రాజకీయంగా వాడుకుంటున్నాయన్నారు. అక్కల్కోట్ తహసీల్లోని కల్లకర్జల్, కేగావ్, షెగావ్, కోర్సెగావ్, ఆల్గే, ధర్సంగ్, అందేవాడి (ఖుర్ద్), హిల్లి, దేవికావతే, మంగ్రుల్, షావాల్ గ్రామ పంచాయతీలు సోమవారం తమ డిమాండ్లతో కూడిన జాబితాను షోలాపూర్ కలెక్టర్కు అందించాయి. జాబితాలోని గ్రామాలు తమ డిమాండ్లను నెరవేర్చకుంటే తమకు మౌలిక వసతులు కల్పించాలని లేదా కర్ణాటకలో విలీనానికి అనుమతించాలని జిల్లా యంత్రాంగాన్ని కోరారు.
Also Read
- Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
- Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
- Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
- Uttam Kumar Reddy : నీటి హక్కులపై వెనక్కి తగ్గేది లేదు.. బీఆర్ఎస్పై ఉత్తమ్ ఫైర్
11 గ్రామాలలో ఒకటైన ఆళగి సర్పంచ్ సగుణబాయి హత్తూరే మాట్లాడుతూ.. ఈ ప్రాంతాల్లో సరైన రోడ్లు, విద్యుత్ సరఫరా, నీటి సౌకర్యం లేదని పేర్కొన్నారు. మా గ్రామానికి సరైన రహదారి లేకపోవడంతో ప్రాథమిక ఆరోగ్య కేంద్రంలోని ఉపాధ్యాయులు, వైద్య సిబ్బంది గ్రామానికి రాలేకపోతున్నారని, కనెక్టివిటీ లేకపోవడంతో యువత విద్యకు, ఇతర పనులకు బయటకు వెళ్లేందుకు ఇబ్బందులు పడుతున్నారని హత్తూరే తెలిపారు. ఈ గ్రామాలకు ప్రభుత్వం మౌలిక వసతులు కల్పించాలని లేదంటే కర్ణాటకలో విలీనం చేసేందుకు అనుమతించాలని జిల్లా కలెక్టర్కు లేఖ అందజేయాలని గ్రామపంచాయతీలో తీర్మానం చేసినట్లు ఆమె తెలిపారు.
Delhi Civic Polls Results: ఢిల్లీ కార్పొరేషన్ ఫలితాలు నేడే.. బీజేపీ, ఆప్లలో తీవ్ర ఉత్కంఠ
ఆళగి నివాసి మహంతేష్ హత్తూరే మాట్లాడుతూ.. కర్ణాటకలోని పరిసర ప్రాంతాలకు తగినంత నీరు, మంచి రహదారి కనెక్టివిటీ ఉంది. ఈ గ్రామాలకు నీటి సమస్య ఉందని, రోడ్డు సౌకర్యం దయనీయంగా ఉందని హిల్లి గ్రామ సర్పంచ్ అప్పాసాహెబ్ షట్గార్ అన్నారు. ఉజని డ్యాం నుండి వర్షాకాలంలో చాలా నీరు విడుదల అవుతుంది, సరైన నిర్వహణ లేని కారణంగా, చెరకు పొలాలు, ఇళ్ళు ముంపునకు గురవుతాయి. అయితే, వేసవిలో మా ప్రాంతాలకు నీరు విడుదల చేయబడదు. మేము నీటి కోసం రాజకీయ నాయకులను అధికారులను వేడుకోవలసి ఉంటుందని అప్పాసాహెబ్ షట్గార్ ఆవేదన వ్యక్తం చేశారు. పాఠశాలలో మౌలిక సదుపాయాలు సరిగా లేవని, ఆరోగ్య సంరక్షణ వ్యవస్థ కూడా సరైన స్థాయిలో లేదని ఆయన అన్నారు.మోటారు రోడ్లు, వీధి దీపాలు, తగినంత విద్యుత్ సరఫరా వంటి అన్ని ప్రాథమిక సౌకర్యాలు కర్ణాటకలో అందుబాటులో ఉన్నాయని షట్గర్ సూచించారు.
“కర్ణాటకపై మాకు ఎలాంటి ప్రేమాభిమానాలు లేవు, అయితే ఈ అన్యాయాన్ని ఎంతకాలం ఎదుర్కోగలం? ఇప్పటికి 75 సంవత్సరాలు అయ్యింది,” అని ఆయన వాదించారు. మహారాష్ట్ర ప్రభుత్వం గ్రామాలకు మౌలిక సదుపాయాలు కల్పించి ఉంటే వారు పక్కన ఉన్న గ్రామాలతో కలపాలని డిమాండ్ చేసేవారు కాదన్నారు. షోలాపూర్ కలెక్టర్ మిలింద్ శంభార్కర్కు ఎన్నిసార్లు ఫోన్ చేసినా, మెసేజ్ చేసినా సమాధానం రాలేదన్నారు.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..