కంగనా పై అసదుద్దీన్ సెటైర్లు
ఇటీవల ఎప్పుడు ఏదో ఒక కాంట్రావర్సీతో వార్తల్లో నిలుస్తున్న కంగనా పై తాజాగా అసదుద్దీన్ ఓవైసీ సైటైర్లు విసిరారు. స్వాతంత్ర్యంపై కంగనా చేసిన వ్యాఖ్యలను ఆయన తప్పుబట్టారు. కంగనా 2014లోనే నిజమైన స్వాతంత్ర్యం వచ్చిందని, 1947లో వచ్చింది కేవలం భిక్ష అని కామెంట్స్ చేసింది. దీంతో దేశవ్యాప్తంగా కంగనా పై విమర్శల పాలైంది. తను తీసుకున్న పద్మశ్రీ అవార్డును సైతం వెనక్కి ఇచ్చి వేయాలని చాలా మంది డిమాండ్ చేస్తున్నారు. దీనిపై బీజేపీ నేతలు ఎందుకు మౌనంగా ఉంటున్నారని సోషల్ మీడియాలో పెద్ద ట్రోల్ నడుస్తుంది. కంగనా ఇప్పటికే పలుమార్లు విద్వేశాలను రెచ్చగొట్టే వ్యాఖ్యలు చేసి వార్తల్లో నిలిచింది.
ఈ అంశంపై MIM అధినేత అసదుద్దీన్ ఓవైసీ బీజేపీ నేతలపై ఫైర్ అయ్యారు. దేశ అత్యున్నత పురస్కారం అందుకున్న ఓ మేడమ్ 2014లో స్వాతంత్ర్యం లభించిందన్నారు. ఆ వ్యాఖ్యలు ఓ ముస్లిం చేసి ఉంటే UAPA చట్టం కేసుపెట్టి, మోకాళ్లపై కాల్పులు జరిపి.. ఆ తర్వాత జైలుకు పంపేవారని విమర్శించారు. ఆమె రాణి.. మీరు రాజు (యోగి ఆదిత్యనాథ్).. అయితే మీరు ఏం చేయరంటూ తీవ్ర వ్యాఖ్య లు చేశారు. ఇటీవల జరిగిన భారత్ – పాక్ టీ20 మ్యాచ్ అనంతరం పాక్ గెలుపొందడంతో సంబరాలు చేసుకున్న వారిపై దేశద్రోహం కింద కేసులు పెడుతామని హెచ్చరించిన విషయం తెలిసిందే. ఈ సంద ర్భంగా కంగన రనౌత్పై దేశద్రోహం అభియోగాలు మోపుతారా?.. విద్రో హం కేసులు కేవలం ముస్లింలపై మాత్రమేనా? అంటూ ప్రశ్నించారు. ఇంతకీ దేశానికి స్వాతంత్ర్యం ఎప్పుడు వచ్చిందోనని ప్రధాని మోడీ, యూపీ సీఎం యోగిని ప్రశ్నించారు.