Delhi Municipal: బహిరంగ ప్రదేశాల్లో చెత్త కాల్చితే రూ.10 వేల ఫైన్.. ఢిల్లీలో కొత్త నిబంధనలు..
- Follow Us :
-
-
Add as a preferred
source on google
దేశ రాజధాని ఢిల్లీలో పారిశుద్ధ్యాన్ని మెరుగుపరచడంతో పాటు పర్యావరణ కాలుష్యాన్ని అరికట్టే లక్ష్యంతో ఢిల్లీ మున్సిపల్ కార్పొరేషన్ (MCD) అత్యంత కఠినమైన నిర్ణయాలు తీసుకుంది. నగరంలో చెత్త నిర్వహణ నిబంధనలను ఉల్లంఘించే వారిపై భారీగా జరిమానాలు విధించేందుకు రూపొందించిన ‘2026 ఘన వ్యర్థాల నిర్వహణ నిబంధనలకు’ ఎంసీడీ స్టాండింగ్ కమిటీ తాజాగా ఆమోదం తెలిపింది. ఈ కొత్త నిబంధనల ప్రకారం, ఇకపై ఢిల్లీ నగర పరిధిలో ఎక్కడపడితే అక్కడ చెత్త వేసినా లేదా నిబంధనలకు విరుద్ధంగా వ్యవహరించినా జేబుకు భారీగా చిల్లు పడటం ఖాయంగా కనిపిస్తోంది. ముఖ్యంగా బహిరంగ ప్రదేశాల్లో చెత్తను కాల్చడం వల్ల వాయు కాలుష్యం తీవ్రమవుతున్న నేపథ్యంలో, అలాంటి చర్యలకు పాల్పడే వారికి రూ.10 వేల భారీ జరిమానా విధించాలని నిర్ణయించారు.
అలాగే, రోడ్లపై లేదా బహిరంగ ప్రదేశాల్లో నిర్లక్ష్యంగా చెత్త వేసే సాధారణ పౌరులకు రూ.1,000 ఫైన్ వేయనున్నారు. అంతేకాకుండా, ప్రతి ఇంటి వద్దే తడి చెత్త, పొడి చెత్తను వేరు చేసి మున్సిపల్ సిబ్బందికి అందించడం తప్పనిసరి చేశారు. ఒకవేళ ఇంటి వద్ద చెత్తను వేరు చేయడంలో విఫలమైతే రూ.500 జరిమానా ఎదుర్కోవాల్సి ఉంటుంది.
సాధారణ పౌరులకే కాకుండా వాణిజ్య సంస్థలు, భారీగా వ్యర్థాలను ఉత్పత్తి చేసే వ్యాపార సముదాయాలపైనా ఎంసీడీ కొరడా ఝుళిపించింది. ఘన వ్యర్థాల నిర్వహణ నిబంధనలను ఉల్లంఘించే హోటళ్లకు ఏకంగా రూ.75 వేల జరిమానా విధించనున్నారు. అదేవిధంగా, చెత్త నిర్వహణలో నిర్లక్ష్యం వహించే రెస్టారెంట్లకు రూ.30 వేల ఫైన్ వేయాలని నిబంధనల్లో పొందుపరిచారు. మరోవైపు, ప్లాస్టిక్, ఇతర ప్యాకేజింగ్ వ్యర్థాల నియంత్రణపైనా అధికారులు ప్రత్యేక దృష్టి సారించారు.
తమ ఉత్పత్తుల ద్వారా వెలువడే ప్యాకేజింగ్ వ్యర్థాలను తిరిగి సేకరించే ప్రత్యేక వ్యవస్థను ఏర్పాటు చేయని తయారీదారులు, బ్రాండ్ యజమానులకు ఎంసీడీ భారీ షాక్ ఇచ్చింది. నిబంధనలు పాటించని తయారీదారులు, బ్రాండ్ యజమానులకు గరిష్ఠంగా రూ.1.5 లక్షల వరకు జరిమానా విధించాలని కమిటీ నిర్ణయించింది. ఈ జరిమానాలు కేవలం ప్రస్తుతానికే పరిమితం కాకుండా, ప్రజల్లో మరియు సంస్థల్లో బాధ్యతను పెంచేందుకు ప్రతి ఏడాది ఈ జరిమానా మొత్తాలను 5 శాతం చొప్పున పెంచాలని కూడా ఎంసీడీ స్టాండింగ్ కమిటీ కీలక తీర్మానం చేసింది.
Also Read
తాజావార్తలు
-
Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
-
Delhi Municipal: బహిరంగ ప్రదేశాల్లో చెత్త కాల్చితే రూ.10 వేల ఫైన్.. ఢిల్లీలో కొత్త నిబంధనలు..
-
Sanjay Raut: నాగ్పూర్ పేరును దీక్షాభూమిగా మార్చాలి.. ఉద్ధవ్ టీమ్ సంచలన డిమాండ్
-
IndusInd Bank: ఇండస్ఇండ్ మాజీ సీఈఓపై వేటు.. వేతనం వెనక్కి.. కారణం ఇదే..
-
Chandrabose: ‘నాటు నాటు’ ఆస్కార్ పాటకు 19 నెలలు కష్టపడ్డా!
-
Hanuman 2 : వివాదానికి తెరలేపనున్న హనుమాన్ 2 ప్రకటన?
ట్రెండింగ్
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!