Bomb Threat: ఢిల్లీలోని ఓ పాఠశాలకు బాంబు బెదిరింపులు

Bomb Threat: దేశ రాజధాని ఢిల్లీలోని రోహిణి ప్రాంతంలో ఉన్న ఓ ప్రైవేటు పాఠశాలకు ఈరోజు (నవంబర్ 28) బెదిరింపులు వచ్చాయి. గుర్తు తెలియని వ్యక్తులు ఉదయం 10:57 సమయంలో ఈ- మెయిల్‌ ద్వారా బెదిరింపులకు దిగారు. దీంతో వెంటనే అప్రమత్తమైన స్కూల్ యాజమాన్యం.. పోలీసులకు సమాచారం అందజేసింది. రంగంలోకి దిగిన అగ్నిమాపక శాఖ అధికారులు, పోలీసులు వెంటనే పాఠశాల దగ్గరకు చేరుకుని.. స్టూడెంట్స్ ను, సిబ్బందిని బయటకు పంపించారు. ఆ తర్వాత బాంబ్‌ స్వ్కాడ్‌, డాగ్‌ స్వ్కాడ్‌ సహాయంతో స్కూల్ ప్రాంగణంలో పూర్తిగా తనిఖీలు చేపట్టారు. అయితే, ఈ తనిఖీల్లో ఎలాంటి పేలుడు పదార్థాలు, అనుమానాస్పద వస్తువులూ దొరకలేదని వెల్లడించారు. ఈ ఘటనపై కేసు నమోదు చేసుకున్న పోలీసులు విచారన చేస్తున్నారు. ఈ ఘటనతో విద్యార్థుల తల్లిదండ్రులు తీవ్ర భయాందోళన వ్యక్తం చేస్తున్నారు.

Read Also: Smriti Mandhana: స్మృతీ మంధానతో రిలేషన్‌ను అందుకే గోప్యంగా ఉంచా: పలాష్

అయితే, గురువారం నాడు ఢిల్లీలోని ప్రశాంత్‌ విహార్‌లో ఉన్న పీవీఆర్‌ మల్టీఫ్లెక్స్‌కు సమీపంలో బాంబు పేలింది. దీంతో స్థానికులు, మల్టీప్లెక్స్‌కు వచ్చిన ప్రజలు తీవ్ర భయాందోళనకు గురయ్యారు. పీవీఆర్‌ మల్టీఫ్లెక్స్‌కు కొద్ది మీటర్ల దూరంలోనే జరిగిన ఈ ఘటనలో ఓ ఆటో డ్రైవర్‌కు స్వల్ప గాయాలు అయినట్లు ఢిల్లీ పోలీసులు తెలిపారు. సంఘటన ప్రదేశంలో తెల్లటి పౌడర్‌ లభ్యం కాగా.. మరిన్ని వివరాల కోసం విచారన చేపట్టామని పోలీసులు చెప్పారు.

STORY | Delhi: Private school receives bomb threat email day after low-intensity blast

READ: https://t.co/wnoJaoCdmN

VIDEO: #DelhiBlast #Rohini #prashantviharblast pic.twitter.com/t6egvw3Izn

— Press Trust of India (@PTI_News) November 29, 2024