Terrorists: అల్‌ఖైదాతో సంబంధాలున్న ఇద్దరు అనుమానిత ఉగ్రవాదులు అరెస్ట్
- Follow Us :
-
-
Add as a preferred
source on google
Terrorists: అల్-ఖైదా, అన్సరుల్లా బంగ్లా టీమ్ ఉగ్రవాద గ్రూపులతో సంబంధం ఉన్న ఇద్దరు అనుమానిత ఉగ్రవాదులను అస్సాంలోని గోల్‌పరా జిల్లాలో అరెస్ట్ చేశారు. అరెస్టయిన వ్యక్తులను ఇమామ్ అబ్దుస్ సుభాన్, ఇమామ్ జలాలుద్దీన్ షేక్‌లను పోలీసులు చాలా గంటలపాటు గ్రిల్ చేసిన తర్వాత గుర్తించారు. గంటల తరబడి గ్రిల్ చేసిన అనంతరం వారిద్దరిని అరెస్ట్ చేసినట్లు గోల్‌పరా జిల్లా ఎస్పీ రాకేష్ రెడ్డి వెల్లడించారు.
నిందితుల ఇళ్లలో సోదాలు నిర్వహించగా.. మొబైల్ ఫోన్లు, సిమ్ కార్డులు, ఐడీ కార్డులతో పాటు అల్-ఖైదా, జిహాదీ అంశాలకు సంబంధించిన అనేక నేరారోపణలు, పోస్టర్లు, పుస్తకాలు, ఇతర పత్రాలు స్వాధీనం చేసుకున్నట్లు ఆయన తెలిపారు. బంగ్లాదేశ్ నుంచి ఇక్కడికి వచ్చిన జిహాదీ ఉగ్రవాదులకు వారు కూడా లాజిస్టిక్ మద్దతు ఇచ్చారని అస్సాం ఉన్నత పోలీసు అధికారి తెలిపారు. ప్రస్తుతం పరారీలో ఉన్న బంగ్లాదేశ్ జాతీయులకు ఆశ్రయం కల్పించడంతో పాటు లాజిస్టిక్ మద్దతును అందించడంలో ఈ అరెస్టయిన వ్యక్తులు నిమగ్నమై ఉన్నారని ఆయన వెల్లడించారు. పలు సెక్షన్ల కింద వారిపై కేసు నమోదు చేశారు. తదుపరి విచారణ జరుగుతోంది.
Manish Sisodia: ఢిల్లీ ఉపముఖ్యమంత్రి సిసోడియాపై సీబీఐ లుకౌట్ నోటీసులు
అంతకుముందు జూలై 28న అల్-ఖైదా, అన్సరుల్లా బంగ్లా టీమ్ సహా గ్లోబల్ టెర్రర్ సంస్థలతో సంబంధాలున్నాయనే ఆరోపణలపై అస్సాంలో జరిగిన భారీ అణిచివేతలో 11 మందిని అదుపులోకి తీసుకున్నారు.