Venkatesh: చిన్నోడితో పోటీ.. పెద్దోడు ఏమన్నాడంటే.. ?

Venkatesh: విక్టరీ వెంకటేష్ హీరోగా హిట్ డైరెక్టర్ శైలేష్ కొలను దర్శకత్వంలో తెరకెక్కిన చిత్రం సైంధవ్. నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మించిన ఈ సినిమాలో నవాజుద్దీన్ సిద్ధిఖీ, ఆర్య, శ్రద్ధా శ్రీనాథ్, రుహాని శర్మ, ఆండ్రియా జెరెమియా కీలక పాత్రల్లో నటిస్తున్నారు. ఇప్పటికే ఈ సినిమా నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా టీజర్ ను మేకర్స్ రిలీజ్ చేశారు. టీజర్ పవర్ ప్యాక్డ్ గా కట్ చేసిన విధానం అభిమానులను ఆకట్టుకుంది. ఇక ఈ సినిమా సంక్రాంతి కానుకగా జనవరి 13 న రిలీజ్ కానుంది. దానికి ముందు రోజే మహేష్ బాబు గుంటూరు కారం సినిమా కూడా రిలీజ్ కానుంది. ఇక వెంకటేష్- మహేష్ బాబు మధ్య పోటీ జరగనుంది. వీరిద్దరూ కలిసి.. సీతమ్మ వాకిట్లో సిరిమల్లె చెట్టు చిత్రంలో నటించారు. పెద్దోడు- చిన్నోడు గా వీరి నటనకు తెలుగు అభిమానులు ఫిదా అయ్యారు. ఇక ఈ టీజర్ లాంచ్ ఈవెంట్ లో చిన్నోడితో పోటీ పడడం గురించి పెద్దోడు స్పందించాడు.

Prithviraj Sukumaran: సలార్ లో వరదరాజా.. వణికించేటట్టు ఉన్నాడే

గుంటూరు కారం తో పోటీ పడుతున్నారు.. ఎలా ఫీల్ అవుతున్నారు అన్న ప్రశ్నకు వెంకీ మామ మాట్లాడుతూ.. “పెద్దోడు వస్తే సూపర్ హిట్.. చిన్నోడు వస్తే సూపర్ హిట్.. ఇద్దరు కలిసి వచ్చినా సూపర్ హిట్.. సీతమ్మవాకిట్లో సిరిమల్లెచెట్టు సంక్రాంతికి రిలీజ్ అయి సక్సెస్ కొట్టిన విషయం గుర్తు లేదా..? అభిమానులు.. పెద్దోడి సినిమాకు వెయిట్ చేస్తున్నారు.. చిన్నోడి సినిమాకు వెయిట్ చేస్తున్నారు. నిజంగా చాలా సంతోషంగా ఉంది. ఇద్దరం.. ఒకేసారి రావడం.. ఈ రెండు సినిమాల కోసం అభిమానులు ఎంతో ఎదురుచూస్తున్నారు. రెండు సినిమాలు మంచి హిట్ అందుకుంటాయి” అని చెప్పుకొచ్చాడు. మరి ఈ రెండు సినిమాల్లో ఏది హిట్ అందుకుంటుందో .. లేక రెండు సినిమాలు హిట్ అందుకుంటాయో చూడాలి.