సినిమా ఇండస్ట్రీ అంటే నలుగురు హిరోలు..నలుగురు డిస్ట్రిబ్యూటర్లు కాదు: మోహన్‌బాబు
- Follow Us :
-
-
Add as a preferred
source on google
గత కొంత కాలంగా ఏపీలో సినిమా టిక్కెట్ల రగడ మాములుగా జరగడం లేదు. దీంతో ఈ మధ్య కాలంలో నిర్మాతల మండలి మంత్రి పేర్ని నానితో సమావేశయ్యారు. దీంతో ప్రభుత్వం ఆలోచిస్తుందని చెప్పారు. తప్ప ఇండస్ట్రీ వర్గాలకు ఊరట లభించలేదు. దీంతో ఈ రోజు ఓ కార్యక్రమంలో పాల్గొన్న చిరంజీవి నేను ఇండస్ట్రీ పెద్దగా ఉండను అని అన్న మాటలు చర్చనీయాంశంగా మారాయి. ఆ మాటలు అన్న వెంటనే మోహన్ బాబు నేను ఏపీ ప్రభుత్వాన్ని కి లేఖ రాస్తాననడం ఇంకా పెద్ద చర్చకు దారితీసింది. కాగా ఇప్పుడు ఆయన రాసిన లేఖలోని అంశాలు వైరల్‌గా మారాయి.
మనకెందుకు మనకెందుకు అని మౌనంగా ఉండాలా..నా మౌనం చేతకాని తనం కాదు చేవలేని తనం కాదు. కొంతమంది శ్రేయోభిలాషులు వద్దని కఠినంగా వారించారు. నీ మాటలు కఠినంగా ఉంటాయ్‌ నిక్కచ్చిగా ఉంటాయ్‌ కానీ నిజాలే ఉంటాయన్నారు. ఇతరులను ఇబ్బంది పెట్టడం ఎందుకు? ఇది నీకు అవసరమా అన్నారు. అంటే వాళ్లు చెప్పినట్టు బతకాలా..? సినిమా ఇండస్ట్రీ అంటే నలుగురు హీరోలు, నలుగురు డిస్ట్రిబ్యూటర్లు, నలుగురు నిర్మాతలు కాదు. కొన్ని వేల మంది ఆశలు.కొన్ని వేల కుటుంబాలు..కొన్ని వేల జీవితాలు..47 సంవత్సరాల అనుభవంతో చెబుతున్నా మాట ఇది అన్నారు. చిన్న సినిమాలు ఆడాలి, పెద్ద సినిమాలు ఆడాలి. సినిమాలు ఆడాలంటే సరైనధరలుండాలి. ప్రొడ్యూసర్‌ కౌన్సిల్‌ ఎందుకు మౌనంగా ఉందో చెప్పాలి.
Read Also:టికెట్ రేట్ల ఇష్యూ… ఏపీ ప్రభుత్వానికి ఆర్జీవీ ప్రశ్నల వర్షం
ఇండస్ర్టీకి దేవుళ్లయిన నిర్మాతలు ఇప్పుడెక్కడున్నారు. సనీ పరిశ్రమ ఏ ఒక్కరి గుత్తాధిపత్యం కాదు. అందరి జీవితాలో ముడిపడి ఉన్న ఈ సనిమా ఇండస్ట్రీ గురించి, మనకున్న సమస్యల గురించి సీఎంలకు వివరించాలనుకుంటే అందరూ కలిసి ఒకచోట సమావేశమై సమస్యలు ఏంటి..పరిష్కారం ఏంటి.. ఏది చేస్తే సీని పరిశ్రమ మనుగడ ఉంటుందని చర్చించుకోవాని అంటూ మోహన్‌బాబు సుదీర్ఘ సందేశంతో రాసిన లేఖ ఇప్పుడు వైరల్‌గా మారింది. మరి ఈ లేఖపై సినీ పెద్దలు ఎలా స్పందిస్తారో వేచి చూడాలి.