Sneha: స్నేహ.. దయచేసి అలాంటి పనులు చేయకు.. గుండెపోటు వస్తుంది
- Follow Us :
-
-
Add as a preferred
source on google
Sneha: చిత్ర పరిశ్రమ.. ఒక గ్లామర్ ప్రపంచం. ఇక్కడ నిత్యం ఫిట్ గా ఉండాలి.. అందంగా ఉండాలి. అందుకోసం రోజూ తారలు జిమ్ అని, డైటింగ్ అని.. యోగా అని బాడీని కష్టపెడుతూనే ఉంటారు. గత కొన్నిరోజులుగా సెలబ్రిటీలు జిమ్ చేస్తూ గుండెపోటు వలన ప్రాణాలు వదులుతున్న విషయం తెల్సిందే. కన్నడ పవర్ స్టార్ పునీత్ రాజ్ కుమార్ దగ్గరనుంచి నటి స్పందన వరకు ఎంతోమంది జిమ్ లో అధిక బరువులు ఎత్తుతూ గుండెపోటుకు గురై ప్రాణాలు కోల్పోతున్నారు. అందుకే ప్రేక్షకులు మాకేం 6 ప్యాక్స్.. 8 ప్యాక్స్ అవసరం లేదు. కథ మంచిగా ఉంటే చాలు అంటూ చెప్పుకొస్తున్నారు. ఒకప్పుడు సెలబ్రిటీలు జిమ్ లో కసరత్తులు చేస్తూ వీడియోలు పెడితే.. సూపర్ సూపర్ అంటూ కామెంట్స్ చేసిన అభిమానులే.. ఇప్పుడు ఆ వీడియోలు చూసి సలహాలు చెప్పుకొస్తున్నారు. అలాంటి కసరత్తులు చేయొద్దని, గుండెపోటు వచ్చే ప్రమాదం ఉందని చెప్పుకొస్తున్నారు.
Ambati Rambabu: శునకానందం పొందొద్దని నీ మాజీకి చెప్పు.. రేణు దేశాయ్ కు అంబటి వార్నింగ్
తాజాగా నటి స్నేహ.. తాను జిమ్ చేస్తున్న వీడియోను షేర్ చేసింది. అందులో ఆమె ఎంతో బరువున్న ప్లేట్స్ ను అవలీలగా ఎత్తుతూ కనిపించింది. అది చూసిన అభిమానులు స్నేహ.. దయచేసి అలాంటి పనులు చేయకు.. గుండెపోటు వస్తుంది అంటూ కామెంట్స్ చేస్తున్నారు. ఇక స్నేహ గురించి ప్రత్యేకంగా చెప్పాల్సిన అవసరం లేదు. తెలుగు, తమిళ్ భాషల్లో స్నేహ గురించి తెలియనివారుండరు. ప్రస్తుతం హీరోలకు అక్కగా, వదినగా మంచి మంచి పాత్రల్లో నటిస్తూ మంచి గుర్తింపును అందుకుంది. ఇప్పటికీ మంచి ఫిజిక్ ను మెయింటైన్ చేస్తూ హీరోయిన్లకు పోటీ ఇస్తోంది. అయినా సరే ఆరోగ్యం విషయంలో నిర్లక్ష్యం పనికిరాదని, కావాలంటే యోగా లాంటివి ట్రై చేయమని చెప్పుకొస్తున్నారు.