VD 12: దేవరకొండతో మరో యంగ్ హీరో?

Satyadev to act with Vijay Deverakonda in VD 12: విజయ్ దేవరకొండ హీరోగా జెర్సీ ఫేం గౌతమ్ తిన్ననూరి దర్శకత్వంలో ఒక సినిమా తెరకెక్కాల్సి ఉంది. నిజానికి విజయ్ దేవరకొండ ఫ్యామిలీ స్టార్ కంటే ముందే వీరిద్దరి కాంబినేషన్ లో విజయ్ దేవరకొండ 12వ సినిమా తెరకెక్కాల్సి ఉంది. అయితే పలు కారణాలతో ఆ సినిమా షూటింగ్ వాయిదా పడింది. ఈ సినిమాలో హీరోయిన్ గా ఎవరు నటించబోతున్నారు అనే విషయం మీద క్లారిటీ లేదు. శ్రీ లీల నటించబోతున్నారని అధికారికంగా ప్రకటించారు. కానీ ఆమె తప్పుకోవడంతో ఆమె స్థానంలో రష్మిక మందన నటించిన బోతున్నారు అని ఒకసారి, ఇలా రకరకాల ప్రచారాలు అయితే జరుగుతూ వస్తున్నాయి. కానీ పూర్తి సమాచారం అయితే లేదు. అయితే ఇప్పుడు ఈ సినిమాకి సంబంధించి ఒక ఆసక్తికరమైన వార్త తెరమీదకు వచ్చింది.

Megastar Chiranjeevi : రాష్ట్రపతి చేతుల మీదుగా పద్మ విభూషణ్ అందుకున్న చిరంజీవి

అదేమిటంటే ఈ సినిమాలో మరో హీరో కూడా నటిస్తున్నాడు. ఆ హీరో ఎవరో కాదు సత్యదేవ్. ఈ సినిమాలో ఒక కీలక పాత్ర కోసం ఆయనని సంప్రదించగా అందుకు ఆయన ఒప్పుకున్నాడని తెలుస్తోంది. ఇక ఈ పాత్ర కోసం తమిళ స్టార్ హీరో కొడుకు ధృవ్ విక్రమ్ ను సంప్రదించారు. తమిళ్ లో కూడా రిలీజ్ చేయడానికి అనుకూలంగా ఆయనను తీసుకున్నారని ప్రచారం జరిగినా ఇప్పుడు ఫైనల్ గా సత్యదేవ్ ను ఫిక్స్ చేశారు. ఇక ఈ సినిమా షూటింగ్ మే నెలలో జరగనుంది. ఈ సినిమాను సితార ఎంటర్టైన్మెంట్స్ బ్యానర్ మీద నాగ వంశీ నిర్మించబోతున్నారు. నిజానికి సినిమా పూజా కార్యక్రమంతో మొదలుపెట్టిన సమయంలో విజయ్ దేవరకొండ, శ్రీ లీల హీరో హీరోయిన్లుగా నటిస్తున్నారని ప్రకటించారు. అయితే ఈ సినిమా నుంచి శ్రీ లీల తప్పుకుంటున్నట్టు ప్రచారం అయితే ఉంది.