Rashmika Mandanna: రామ్ తో రశ్మిక..?

బోయపాటి శ్రీను దర్శకత్వంలో రామ్ ఓ యాక్షన్ డ్రామా చేయబోతున్నాడు. ఇటీవల ఈ సినిమాకి సంబంధించి అధికారిక ప్రకటన కూడా వచ్చింది. ప్రస్తుతం రామ్ లింగుస్వామి దర్శకత్వంలో ‘ద వారియర్’ అనే సినిమా చేస్తున్నాడు. ఆది పినిశెట్టి విలన్ గా నటిస్తున్న ఈ సినిమాలో కృతిశెట్టి హీరోయిన్. శ్రీనివాస సిల్వర్ స్క్రీన్స్ పతాకంపై శ్రీనివాస్ చిట్టూరి తెలుగు, తమిళ భాషల్లో నిర్మిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నారు. ఇదిలా ఉంటే ‘అఖండ’ వంటి హిట్ సినిమా తర్వాత బోయపాటి దర్శకత్వంలో రామ్ నటిస్తున్న సినిమాను పాన్ ఇండియా స్థాయిలో తీయబోతున్నారు. దీంట్లో హీరోయిన్ గా నటించేందుకు రష్మికని సంప్రదించినట్లు వినిపిస్తోంది. దీనికి సంబంధిచిన చర్చలు కూడా జరిగినట్లు సమాచారం. రష్మిక బాలీవుడ్ లో వరుణ్ ధావన్‌తో నటిస్తోంది. రామ్ తో నటించటానికి రశ్మిక సై అంటే సినిమాపై మరింత హైప్ పెరగటం ఖాయం. చూద్దాం ఏం జరుగుతుందో!?