Dhurandhar 2: ధురంధర్-2 చెత్త సినిమా.. నటి తీవ్ర విమర్శలు

ఒకపక్క రన్వీర్ సింగ్ నటించిన ‘దురంధర్ 2’ సినిమాపై ప్రపంచవ్యాప్తంగా ప్రశంసల వర్షం కురుస్తుంటే, మరోపక్క కాంగ్రెస్ నేత, కన్నడ నటి రమ్య స్పందన మాత్రం తీవ్రస్థాయిలో విమర్శలు గుప్పించారు. “ఇప్పుడే దురంధర్ 2 సినిమా చూశాను, ఇది నా ఓపికకు పరీక్ష పెట్టింది. ఇది చెత్త సినిమా, బోరింగ్ సబ్జెక్ట్ చదివినట్లు అనిపించింది. ఈ సినిమా చూసి డబ్బులు, టైం వృధా చేసుకోకండి. డైరెక్షన్ కానీ, డైలాగ్స్ కానీ, ఎడిటింగ్ కానీ, బిజిఎం, నటన.. ఇవేవీ బాలేవు. డైరెక్టర్ ఆదిత్య ధర్, మీ మితిమీరిన జాతీయవాదం, దుష్ప్రచారాన్ని ఆపండి” అంటూ ఆమె ట్వీట్ చేశారు.

Also Read:Anirudh: రేపు అనిరుధ్ ‘XV’ లైవ్ కన్సర్ట్..నిర్వాహకుల కీలక సూచనలు!

అయితే నిజానికి, దురంధర్ సినిమాలో ప్రధాని మోదీ సహా బీజేపీ ప్రభుత్వాన్ని ఎలివేట్ చేసినట్లు కనిపిస్తూనే, అప్పటి కాంగ్రెస్ ప్రభుత్వాన్ని విమర్శించినట్లు అనిపిస్తుంది. ఈ నేపథ్యంలోనే కాంగ్రెస్ నేతగా ఉన్న రమ్య స్పందన, సినిమా మీద విమర్శలు గుప్పించినట్లు తెలుస్తోంది. ఇక ఆదిత్య ధర్ దర్శకత్వంలో రూపొందిన ‘దురంధర్’ సినిమాకి సీక్వెల్‌గా ‘దురంధర్ 2: ది రివెంజ్’ రూపొందింది. ఈ సినిమాలో రన్వీర్ సింగ్ సరసన హీరోయిన్‌గా సారా అర్జున్ నటించగా, సంజయ్ దత్ మరియు అర్జున్ రాంపాల్ వంటి వారు ఇతర కీలక పాత్రలలో నటించారు.