శేషాచలం అడవుల్లో దొరికే ఎర్ర చందనాన్ని స్మగ్లింగ్ చేసే పుష్ప క్యారెక్టర్ తో పాన్ ఇండియా స్టార్ అయ్యాడు అల్లు అర్జున్. సుకుమార్ డైరెక్ట్ చేసిన పుష్ప ది రైజ్ సినిమా రిలీజ్ అయ్యి ఏడాదిన్నర అయ్యింది, సినీ అభిమానులంతా పుష్ప ది రూల్ సినిమా కోసం ఎదురు చూస్తూ ఉన్నారు. పార్ట్ 1 రిలీజ్ అయ్యి చాలా రోజులు అయ్యింది, పార్ట్ 2 నుంచి ఒక్క అప్డేట్ అయినా ఇవ్వండి అని ఫాన్స్ సోషల్ మీడియాలో హల్చల్ చేస్తున్నా పట్టించుకోకుండా సుకుమార్ అండ్ టీం పుష్ప 2 సినిమా షూటింగ్ చేసేస్తున్నారు. గతంలో వైజాగ్ లో షూటింగ్ చేసిన సుకుమార్, పుష్ప ది రూల్ లేటెస్ట్ షెడ్యూల్స్ ని హైదరాబాద్ లోనే చేస్తున్నాడు. ప్రస్తుతం హైదరాబాద్ లోని ఎర్రమంజిల్ ఏరియాలో పుష్ప 2 నైట్ షూటింగ్ జరుగుతోంది. అల్లు అర్జున్ తో పాటు ఇతర కాస్ట్ కూడా ఈ షెడ్యూల్ లో పాల్గొంటున్నట్లు తెలుస్తోంది.
Read Also: Pa Pa: అమ్మాయి అబ్బాయి మధ్యలో అవసరాలా…
ఇదిలా ఉంటే పుష్ప 2 అప్డేట్ కోసం వెయిట్ చేస్తున్న ఫాన్స్ కి ఫుల్ మీల్స్ పెట్టే రేంజులో ఒక గ్లిమ్ప్స్ ని ప్లాన్ చేసాడట సుకుమార్. ఈ గ్లిమ్ప్స్ తో పాటు ఒక ఫస్ట్ లుక్ పోస్టర్ ని కూడా లాంచ్ చెయ్యడానికి మేకర్స్ రెడీ అవుతున్నారు. ఏప్రిల్ 8న అల్లు అర్జున్ పుట్టిన రోజు సంధర్భంగా పుష్ప ది రూల్ సినిమా నుంచి ఈ రెండు అప్డేట్స్ ని పాన్ ఇండియా లెవల్లో ఒక ఈవెంట్ చేసి రిలీజ్ చేసే ఆలోచనలో మేకర్స్ ఉన్నారు. ఇక్కడి నుంచి పుష్ప ది రూల్ ప్రమోషన్స్ కూడా స్టార్ట్ అవనున్నాయి. గ్లిమ్ప్స్ బయటకి రాగానే పుష్ప 2 సినిమాపై అంచనాలు పెరగడం గ్యారెంటీ అనే టాక్ ఇండస్ట్రీలో ఉంది. పార్ట్ 1తో 350 కోట్లు మాత్రమే రాబట్టిన సుకుమార్-అల్లు అర్జున్-దేవి శ్రీ ప్రసాద్, పుష్ప 2తో వెయ్యి కోట్ల మార్కట్ ని టార్గెట్ చేస్తున్నారు. ఆ టార్గెట్ రీచ్ అవ్వాలి అంటే ప్రమోషన్స్ లో పీక్ స్టేజ్ ని చూపించాలి. మరి సుకుమార్ ప్రమోషన్స్ కి ఎలాంటి ప్లాన్స్ వేసాడో చూడాలి.
