దీపావళికి ట్రీట్ ఇవ్వబోతున్న ‘పుష్ప’రాజ్

దీపావళి పండుగకు “పుష్ప” టీమ్ సర్ ప్రైజ్ ప్లాన్ చేస్తోంది. ఐకాన్ స్టార్ అల్లు అర్జున్, రష్మిక మందన్న, ఫహద్ ఫాసిల్, సునీల్ ప్రధాన పాత్రల్లో, ఎర్ర చంద్రనం స్మగ్లింగ్ నేపథ్యంలో క్రియేటివ్ డైరెక్టర్ సుకుమార్ దర్శకత్వంలో ఈ మూవీ తెరకెక్కుతున్న విషయం తెలిసిందే. మేకర్స్ ఇప్పటికే సినేమా నుంచి మూడు సింగిల్స్ విడుదల చేయగా వాటికి మంచి రెస్పాన్స్ వచ్చింది. “దాక్కో దాక్కో మేక”, “శ్రీవల్లి”, “సామీ సామీ” విడుదల చేసారు. ఈ సినిమాకు రాక్ స్టార్ దేవిశ్రీ ప్రసాద్ సంగీతం అందిస్తన్నారు. గతంలో కూడా డిఎస్పీ, సుకుమార్, అల్లు అర్జున్ ఆర్య, ఆర్య 2 చిత్రాలకు కలిసి పని చేశారు. ఆ రెండు చిత్రాలు కూడా మ్యూజికల్ గా సూపర్ హిట్. ఇదిలా ఉండగా తాజాగా “పుష్ప”రాజ్ అభిమానులకు దీపావళి ట్రీట్ ఇవ్వబోతున్నాడట.

Read Also : పునీత్ కోసం కొత్త బాధ్యతను భుజానికెత్తుకున్న విశాల్… ఎమోషనల్ స్పీచ్

దీపావళిని పురస్కరించుకుని నవంబర్ 4న ఈ సినిమా టీజర్‌ను విడుదల చేయాలనే ఆలోచనలో అల్లు అర్జున్ ‘పుష్ప’ మేకర్స్ ఉన్నట్లు తెలుస్తోంది. దీనిపై ఒకటి రెండు రోజుల్లో అధికారిక ప్రకటన వెలువడే అవకాశం ఉంది. “పుష్ప: ది రైజ్” ప్రస్తుతం షూటింగ్ చివరి దశలో ఉంది. నవంబర్ మధ్యలో ఈ సినిమా షూటింగ్ పూర్తవుతుంది. డిసెంబర్ 17న ఈ చిత్రం తెలుగు, తమిళ, హిందీ, మలయాళ భాషల్లో భారీ ఎత్తున విడుదల కానుంది.