NTR: వెకేషన్ లో కూడా ఆ పని ఎందుకు ‘దేవర’..

NTR: యంగ్ టైగర్ ఎన్టీఆర్ ప్రస్తుతం శివ కొరటాల దర్శకత్వంలో తెరకెక్కుతున్న దేవర చిత్రంలో నటిస్తున్న విషయం తెల్సిందే. యువసుధ ఆర్ట్స్ మరియు ఎన్టీఆర్ ఆర్ట్స్ సంయుక్తంగా ఈ సినిమాను నిర్మిస్తున్నారు. ఇక ఈ సినిమాలో ఎన్టీఆర్ సరసన జాన్వీ కపూర్ నటిస్తోంది. ఈ మధ్యనే భారీ షెడ్యూల్ ను పూర్తిచేసుకున్న చిత్ర బృందం కొద్దిగా గ్యాప్ తీసుకుంది. ఇక ఈ గ్యాప్ ను ఎన్టీఆర్ ఫ్యామిలీ వెకేషన్ కోసం కేటాయించాడు. కుటుంబంతో కలిసి ఎన్టీఆర్.. విదేశాలకు విహారయాత్రకు వెళ్ళాడు. దాదాపు నెలరోజులు.. అక్కడే కుటుంబంతో గడపనున్నాడట. నిన్న ఎన్టీఆర్ ఫ్యామిలీ ఎయిర్ పోర్టులో కనిపించిన దృశ్యాలు నెట్టింట వైరల్ గా మారిన విషయం తెల్సిందే. ఇక బాబు.. అలా ల్యాండ్ అయ్యాడో లేదో.. జిమ్ లో కసరత్తులు మొదలెట్టేశాడు.

Bro: ఆ షూ రేట్ ఏంది ‘బ్రో’ అంతుంది?

తాజాగా ఎన్టీఆర్ జిమ్ చేస్తున్న ఫోటో ఒకటి అంతర్జాలంలో చక్కర్లు కొడుతోంది. ఉదయమే లేచి.. వర్క్ అవుట్స్ చేస్తున్నప్పుడు ట్రైనర్ తీసిన ఫోటోలా కనిపిస్తుంది ఆ ఫొటోలో ఎన్టీఆర్ తో పాటు ట్రైనర్ కూడా ఉన్నాడు. ఇక ఈ ఫోటోను చూసి అభిమానులు.. వెకేషన్ లో కూడా ఈ కష్టాలు ఎందుకు అన్నా.. హ్యాపీగా పిల్లలతో టైమ్ స్పెండ్ చేయకా అని కొందరు అంటుండగా.. అది డెడికేషన్ అంటే.. నెలరోజులు వెకేషన్ లో ఉండి బాడీ షేప్ అవుట్ అవ్వకుండా వర్క్ అవుట్స్ చేస్తున్నాడు అని మరికొందరు చెప్పుకొస్తున్నారు. ఆర్ఆర్ఆర్ సినిమా తరువాత ఎన్టీఆర్ నుంచి వస్తున్న చిత్రం కావడంతో ఈ సినిమాపై భారీ అంచనాలు నెలకొన్నాయి. మరి ఈ సినిమాతో ఎన్టీఆర్.. రాజమౌళి నెక్స్ట్ సినిమా ప్లాప్ అనే సెంటిమెంట్ ను తుడిచేస్తాడా..? లేదా.. ? అనేది చూడాలి.