ముంబైలో వాలిపోయిన ఎన్టీఆర్… పిక్స్ వైరల్

మెగా పవర్ స్టార్ రామ్ చరణ్, జూనియర్ ఎన్టీఆర్ ప్రధాన పాత్రలలో నటించిన భారతదేశపు అతిపెద్ద యాక్షన్ ఎంటర్‌టైనర్ “ఆర్ఆర్ఆర్” ట్రైలర్ ఈరోజు విడుదలైంది. పవర్ ఫుల్ ట్రైలర్ ప్రేక్షకులను ఆశ్చర్యానికి గురి చేసింది. ఈ ట్రైలర్ ను చూస్తుంటే సినిమాపై అంచనాలు భారీగా పెరిగాయి. ప్రస్తుతం సినిమా ప్రమోషన్లను వేగవంతం చేసింది చిత్రబృందం. దూకుడుగా ప్రమోషన్స్ స్టార్ట్ చేయనున్నట్టు మేకర్స్ ముందుగానే ప్రకటించారు. ముందుగా షెడ్యూల్ చేసినట్లుగా ‘ఆర్ఆర్ఆర్’ బృందం దేశంలోని 4 ప్రధాన నగరాలు ముంబై, బెంగళూరు, చెన్నై, హైదరాబాద్‌లో మీడియాతో ప్రెస్ మీట్‌లను ప్లాన్ చేసింది.

Read Also : రౌద్రం… ర‌ణం…రుధిరం… రియ‌ల్ మ్యాజిక్ ఆఫ్ రాజ‌మౌళి!

ఈరోజు ముందుగా ముంబైలో ప్రెస్ మీట్ పెట్టి, తరువాత హైదరాబాద్ లోనూ మీడియా సమావేశానికి హాజరు కానున్నారు చిత్రబృందం. దీంతో ‘ఆర్ఆర్ఆర్’లో భీమ్‌గా నటిస్తున్న తారక్ ఈ రోజు ఉదయం చాలా కూల్ డ్రెస్‌లో ఈ స్పెషల్ ఈవెంట్ కోసం ముంబైకి చేరుకున్నాడు. బ్లాక్ డ్రెస్ లో ఎన్టీఆర్ స్టైల్ గా కనిపించాడు. పిక్స్ లో ఎన్టీఆర్ చాలా కాన్ఫిడెంట్ గా, సంతోషంగా కనిపిస్తున్నాడు. మిగతా టీమ్ అంతా అతి త్వరలో ఈవెంట్‌కు హాజరు కానున్నారు. ఈ ప్రెస్ మీట్స్ ముగిశాక చెన్నై, బెంగుళూరులో కూడా ఈవెంట్స్ ప్లాన్ చేశారు మేకర్స్.