ఫస్ట్ టైమ్ హెవీ ఇంటెన్స్ లుక్ లో నాగ చైతన్య

అక్కినేని యంగ్ హీరో నాగ చైతన్య ఫస్ట్ టైమ్ హెవీ ఇంటెన్స్ లుక్ లో కన్పించిన పిక్ ఒకటి నెట్టింట్లో వైరల్ అవుతోంది. పిసి శ్రీరామ్ క్లిక్ చేసిన తన కొత్త లుక్‌ని చై సోషల్ మీడియాలో పంచుకున్నారు. ప్రస్తుతం నాగ చైతన్య మాస్కోలో ‘థాంక్యూ’ సినిమా షూటింగ్ లో ఉన్నారు. ఈ సినిమా షూటింగ్ సెట్స్ నుంచే గడ్డంలో సరికొత్త అవతార్‌ లో కన్పించాడు. ప్రదర్శిస్తున్నప్పుడు నటుడు తీవ్రంగా కనిపిస్తున్నాడు. నాగ చైతన్య తన ఇన్‌స్టాగ్రామ్ స్టోరీలో ఈ కొత్త రూపాన్ని పంచుకున్నాడు. సాధారణంగా చక్కగా షేవ్ చేసి కనిపించే చైను ఇలా కొత్తగా చూడడం ఆసక్తికరంగా మారింది.

Read Also : ఫస్ట్ టైమ్ హెవీ ఇంటెన్స్ లుక్ లో నాగ చైతన్య

ఈ సినిమాకి విక్రమ్ కె కుమార్ దర్శకత్వం వహించారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు నిర్మిస్తున్నారు. రాశి ఖన్నా, అవికా గోర్ కథానాయికలు. ఎస్ థమన్ ఈ చిత్రానికి సంగీతం అందిస్తున్నారు. సినిమాటోగ్రాఫర్ పిసి శ్రీరామ్ తరచుగా నాగ చైతన్య సినిమా సెట్స్ నుండి ఫోటోలను పంచుకుంటారు. రొమాంటిక్ కామెడీ కథను బివిఎస్ రవి రచించారు. మరోవైపు నాగచైతన్య… అమీర్ ఖాన్ ప్రాజెక్ట్ ‘లాల్ సింగ్ చద్దా’లో కనిపించనున్నారు. అమీర్ ఖాన్ ప్రొడక్షన్స్ నిర్మిస్తున్న ఈ సినిమాలో కరీనా కపూర్ ఖాన్, మోనా సింగ్ కీలక పాత్రల్లో కనిపించనున్నారు.