మెగా వేవ్ ఆగిపోలేదు.. మరో అప్డేట్ మిగిలిపోయింది?

మెగాస్టార్ చిరంజీవి పుట్టిన రోజు సందర్బంగా నిన్నంత మెగా వేవ్ నడిచింది. ఆయన చేయబోయే ప్రాజెక్ట్ లకు సంబంధించి అధికారిక ప్రకటనలు వచ్చేశాయి. ప్రస్తుతం ‘ఆచార్య’ పూర్తిచేసిన మెగాస్టార్, విడుదల కోసం చూస్తాడు. కొరటాల శివ దర్శకత్వంలో వస్తున్న ఈ చిత్రంపై భారీ అంచనాలు ఉన్నాయి. ఈ సినిమా తరువాత చిరు మూడు సినిమాలు చేయనున్నాడు.
మోహన్‌ రాజా డైరెక్షన్ లో ‘గాడ్‌ఫాదర్‌’.. బాబీ దర్శకత్వంలో ‘వాల్తేరు వీరయ్య’ (పరిశీలన టైటిల్).. మెహర్‌ రమేష్‌తో ‘బోళా శంకర్‌’ సినిమాలు చేయనున్నాడు మెగాస్టార్. వచ్చే ఏడాది చివరి వరకు ఈ చిత్రాలతో చిరు బిజీగా ఉండనున్నాడు. అయితే, ఓ యువ దర్శకుడితోను చిరు 156 సినిమా ఉంటుందని, దీనికి సంబందించిన అనౌన్స్ మెంట్ కూడా ఉంటుందని ఎక్ప్ పెక్ట్ చేశారట. అయితే ఇప్పటికే మెగా బండి లోడ్ ఎక్కువ అవ్వడంతో ఆ అప్డేట్ ఆపేశారని తెలుస్తోంది. అంతేకాదు, ఆ సినిమా కథ విషయంలోనూ చిరు కొన్ని మార్పులు-చేర్పులు చేయాలని కోరాడట. మరి ఆ యంగ్ దర్శకుడు ఎవరు..? చిరుతో ఆయన సినిమా ఉండనుందా..? తెలియాలంటే కొద్దిరోజులు వరకు ఆగాల్సిందే..!