కిరణ్ అబ్బవరం దర్శక ద్వయం సుజీత్ – సందీప్ అనే ఇద్దరు నూతన దర్శకులతో ‘క’ అనే చిత్రంలో నటిస్తున్నాడు. పీరియాడికల్ డ్రామా నేపథ్యంలో సాగనున్న ఈ చిత్రాన్ని భారీ బడ్జెట్ తో తెరకెక్కిస్తున్నాడు కిరణ్ అబ్బవరం. ఈ దఫా హిట్టు కొట్టి తీరాలనే ఉద్దేశంతో ఎక్కడా కాంప్రమైస్ కాకుండా నిర్మిస్తున్నాడు. తెలుగు, తమిళ్, మలయాళం, కన్నడ, హిందీ భాషలలో తెరకెక్కుతోంది ఈ చిత్రం.
ఇటీవల విడుదలైన ఈ చిత్ర ట్రైలర్ ఇండస్ట్రీ సర్కిల్స్ లో కాసింత ఆసక్తిని రేకెత్తించింది. విరూపాక్ష టైపు మిస్టిక్ థ్రిల్లర్ నేపథ్యంలో రానున్న ‘ క ‘ థియేట్రికల్ బిజినెస్ కు మంచి గిరాకి ఏర్పడింది. తాజాగా ఈ చిత్రం థియేట్రికల్ రైట్స్ అమ్మకాలు ముగిసాయి. పొలిమేర -3 నిర్మాత నందిపాటి వంశీ రెండు తెలుగు రాష్టాల హక్కులు కొనుగోలు చేసారు. 13 కోట్ల రూపాయల దగ్గర మొదలైన బేరం 12 కోట్ల రూపాయల దగ్గర ఫైనల్ చేశారు. అధికారక ప్రకటన త్వరలోనే రానుంది. ఈ మధ్య కాలంలో సరైన హిట్టులేని కిరణ్ అబ్బవరం చిత్రం ఈ రేంజ్ బిసినెస్ చేయడం మాములు విషయం. ఒక రకంగా కిరణ్ జాక్ పాట్ కొట్టాడని చెప్పాలి. కాగా ఈ హీరో తన మార్కెట్ పరిధికి మించి భారీ బడ్జెట్ తో ‘క’ చిత్రాన్ని నిర్మిస్తున్నాడు. ప్రస్తుతం షూటింగ్ దశలో ఉన్న ఈ చిత్రాన్ని ఈ ఏడాదిలోనే థియేటర్లలోకి తెచ్చేందుకు ఏర్పాట్లు చేస్తున్న ఏ చిత్రానికి సామ్ సీ యస్ సంగీతం అందిస్తున్నాడు. త్వరలోనే పెళ్లి పీటలు ఎక్కబోతున్న కిరణ్ కు ‘క ‘ రూపంలో హిట్ దక్కుతుందేమో చూడాలి.
Also Read: Mr.Bachchan: భారీ స్థాయిలో బచ్చన్ థియేట్రికల్ బిజినెస్..కానీ..?
