Anchor Suma: యాంకర్ సుమ గురించి ప్రత్యేకంగా చెప్పాల్సిన అవసరం లేదు. తెలుగు ఇండస్ట్రీలో ఆమె గురించి తెలియని వారు ఉండరు అని చెప్పడంలో ఎటువంటి అతిశయోక్తి లేదు. సుమ లేని ప్రీ రిలీజ్ ఈవెంట్ ఉండదు. సుమ లేని స్టార్ హీరోల ఇంటర్వ్యూలు ఉండవు. సుమ ఈవెంట్ చేసిందా..? ఆ సినిమా హిట్టే అని చెప్పుకొచ్చేస్తారు అభిమానులు. ఇక ఇంటర్వ్యూలతో పాటు ఒక ప్రముఖ ఛానెల్లో ఆమె హోస్ట్ గా కూడా వ్యవహరిస్తున్న విషయం తెల్సిందే. సుమా అడ్డా అనే పేరుతో ప్రసారం అవుతున్న ఈ షోలో సినీ స్టార్లు తమ సినిమాను ప్రమోట్ చేసుకోవడానికి వాస్తు ఉంటారు. నిజం చెప్పాలంటే.. బాలీవుడ్ తారలు కూడా వచ్చిన ఏకైక షో ఏదైనా ఉంది అంటే అది సుమ షో మాత్రమే. ఇక ఆ షోలో చేసే రచ్చ అంతా ఇంతా కాదు. తాజాగా ఈ షోలో రామ బాణం టీం సందడి చేశారు. గోపీచంద్, డింపుల్ హయతి, డైరెక్టర్ శ్రీవాస్, నటుడు గెటప్ శ్రీను వచ్చి తమ సినిమా విషయాల గురించి చెప్పుకొచ్చారు.
Naveen Polishetty: ఓయ్.. జాతిరత్నం.. ‘అనగనగ ఒక రాజు’ అన్నావ్.. ఉందా..? లేదా..?
సినిమాకు సంబంధించిన విషయాలతో పాటు వారితో కొన్ని గేమ్స్ కూడా ఆడించింది సుమ. ఇక ఈ షోలో గోపీచంద్ హైపర్ యాక్టివ్ గా కనిపించడం అందరిని ఆశ్చర్యానికి గురిచేసింది. చాలా రిజర్వడ్ ఉండే గోపీచంద్ ఈ షోలో ఎంతో చలాకీగా కనిపించాడు. ఇక ఈ షోలో గోపీచంద్ విలన్ గా నటించిన జయం స్పూఫ్ చేసినట్లు తెలుస్తోంది. సదాను గొంతు పట్టుకొని పైకి లేపి గోపీచంద్ పవర్ ఫుల్ డైలాగ్ చెప్తాడు. ఆ సీన్ ను రీ క్రియేట్ చేస్తూ సుమ గొంతు పట్టుకొని డైలాగ్ చెప్తున్నట్లు కనిపించాడు. ప్రస్తుతం ఈ ప్రోమో నెట్టింట వైరల్ గా మారింది. ఇకపోతే ఈ సినిమా మే 5 న ప్రేక్షకుల ముందుకు రానుంది. మరి ఈ సినిమాతో గోపీచంద్ ఎలాంటి హిట్ ను అందుకుంటాడో చూడాలి.
