Bigg Boss 6: బిగ్‌బాస్-6 విజేత ఎవరో తెలిసిపోయింది..!!

బిగ్‌బాస్ తెలుగులో ఇప్పటివరకు ఐదు సీజన్లు, ఓటీటీ సీజన్ పూర్తయ్యాయి. ఇప్పుడు ఆరో సీజన్ నడుస్తోంది. మరో నాలుగు రోజుల్లో ఇది పూర్తవుతుంది. ప్రస్తుతం హౌస్‌లో ఆరుగురు ఉన్నారు. రేవంత్, శ్రీహాన్, రోహిత్, ఆదిరెడ్డి, కీర్తి, శ్రీసత్య ఉన్నారు. వీరిలో ఒకరు శుక్రవారం ఎలిమినేట్ అవుతారు. తాజాగా బిగ్‌బాస్ విన్నర్ రోహిత్ అని ప్రచారం జరుగుతోంది. ఈలోపే గూగుల్ ముందే కూసింది. బిగ్‌బాస్ ఆరో సీజన్ విన్నర్ ఎవరు అని టైప్ చేస్తే చాలు విన్నర్ పేరు చూపిస్తోంది. ఈ మేరకు రోహిత్ సాహ్ని పేరును చూపిస్తోంది. గతంలో కూడా గూగుల్ ఇలా చేసింది. బిగ్ బాస్ సీజన్ 4 విన్నర్ పేరును కూడా ముందే అభిజిత్ పేరు చూపించింది. మళ్లీ ఇప్పుడు సీజన్ 6లో అలానే చూపిస్తుండటంతో నెటిజన్‌లు రోహిత్ విన్నర్ అని ఫిక్స్ అయిపోయారు.

Read Also: Rakul Preet Singh: హీరోయిన్ రకుల్ ప్రీత్ సింగ్‌కు ఈడీ నోటీసులు

బిగ్‌బాస్ విన్నర్‌గా నిలిచిన రోహిత్ హౌస్‌లో పెద్దగా ఇరగదీసింది ఏమీ లేదు. అయితే అతడు సీజన్ మొత్తం చాలా కూల్‌గా ఆడాడు. విన్నర్ మెటీరియల్ అంటే ఇలా ఉండాలి అనేలా రోహిత్ బిగ్ బాస్ జర్నీ సాగింది. చొక్కాలు చించుకుని ఆడితేనే విజేత కాదు, ఎలాంటి పరిస్థితులు వచ్చిన తట్టుకుని నిలబడాలి, సహనాన్ని కోల్పోకూడదు, మాటలు విసరకూడదు… ఇవన్నీ రోహిత్ లోనే పుష్కలంగా ఉన్న గుణాలు. రేవంత్ ఆట బాగా ఆడిన అతని ప్రవర్తన చాలా చికాకు కలిగించేలా ఉంటుంది. ప్రతి దానికి వాదన, విపరీతమైన కోపం చూడటానికి అంత ప్రశాంతంగా ఉండవు. రోహిత్ గతంలో పలు సీరియళ్లలో నటించినా అంతగా గుర్తింపు రాలేదు. ప్రస్తుతం బిగ్‌బాస్‌లో తన భార్య మెరీనాతో కలిసి హౌస్‌లోకి వెళ్లాడు. భార్యతో కలిసి ఉన్నా రోహిత్ టాస్కులలో మాత్రం ఒక్కడిగానే ఆడేవాడు. అయితే బిగ్‌బాస్ సీజన్ మొత్తంలో చివరి వరకు ఉన్నవారిలో కెప్టెన్ కాని కంటెస్టెంట్ రోహిత్ ఒక్కడే. అయితే అతడి ఆట బాగానే ఉన్నా కొన్నిసార్లు శాక్రిఫైజ్ కారణంగా కెప్టెన్ కాలేకపోయాడు.