Gam Gam Ganesha: శివరాత్రికి విశ్వక్ సేన్ కి పోటీగా దిగుతున్న దేవరకొండ

Gam Gam Ganesha coming to theatres on 08th March on the occasion of Shivaratri: విజయ్ దేవరకొండ సోదరుడిగా సినీ రంగ ప్రవేశం చేసిన ఆనంద్ దేవరకొండ అనేక సినిమాలతో ప్రేక్షకులను పలకరించే ప్రయత్నం చేసి ఎట్టకేలకు బేబీ సినిమాతో హిట్ అందుకున్నాడు. సాయి రాజేష్ దర్శకత్వంలో వైష్ణవి చైతన్య హీరోయిన్ గా నటించిన బేబీ సినిమాలో ఆనంద్ దేవరకొండ హీరోగా నటించి సూపర్ హిట్ కావడంతో ఆయన తదుపరి సినిమాల మీద కూడా ఆసక్తి ఏర్పడింది. అయితే బేబీ సినిమాతో పాటు ఆయన గం గం గణేశా అని ఒక సినిమా చేశాడు. ఉదయ్ శెట్టి దర్శకత్వంలో ఈ సినిమా తెరకెక్కింది. వెన్నెల కిషోర్, కృష్ణ చైతన్య, జబర్దస్త్ ఇమ్మానుయేల్, బిగ్ బాస్ ఫేమ్ యావర్ ప్రధాన పాత్రలలో నటించిన ఈ సినిమా చాలా కాలం క్రితమే పోస్ట్ ప్రొడక్షన్ పూర్తి చేసుకుని రిలీజ్ కి రెడీ అయింది.

Mahesh Babu: శ్రీమంతుడు కాపీ వ్యవహారంలో మహేష్ బాబుపై కేసు.. తెలివిగా తప్పించిన నమ్రత?

అయితే ఇప్పుడు తాజాగా ఈ సినిమాకు సంబంధించిన రిలీజ్ డేట్ ఫిక్స్ అయింది. ఈ సినిమాను మార్చి 8వ తేదీన శివరాత్రి సందర్భంగా రిలీజ్ చేసేందుకు ప్రణాళికలు సిద్ధం చేశారు మేకర్స్. దీనికి సంబంధించిన అధికారిక ప్రకటన త్వరలో చేసే అవకాశం కనిపిస్తోంది. ఆ తర్వాత ప్రమోషన్స్ కూడా వెంటనే మొదలు పెట్టబోతున్నారు. ప్రస్తుతానికి శివరాత్రి సందర్భంగా విశ్వక్ సేన్ హీరోగా నటించిన గ్యాంగ్స్ ఆఫ్ గోదావరి, గోపీచంద్ హీరోగా నటించిన భీమ సినిమాతో పాటు ఎర్ర చీర అనే ఒక హారర్ థ్రిల్లర్ కూడా రిలీజ్ కి రెడీగా ఉన్నాయి. ఇప్పుడు అదే డేట్ లో ఆనంద్ దేవరకొండ గం గం గణేశా సినిమా కూడా రిలీజ్ కి రెడీ అవుతూ ఉండటం గమనార్హం. ఒకరకంగా మిగతా సినిమాల విషయం పక్కన పెడితే విశ్వక్సేన్ గ్యాంగ్ ఆఫ్ గోదావరి సినిమా మీద కాస్త బజ్ ఉంది. ఆ సినిమాకి పోటీగా ఈ గం గం గణేశా సినిమా దిగుతూ ఉండడం హాట్ టాపిక్ అవుతుంది. మరి చూడాలి శివరాత్రికి ఎవరు మంచి టాక్ తో వచ్చే హిట్ అందుకుంటారనేది.