Festive Sale: పండుగ షాపింగ్ తుఫాన్.. 48 గంటల్లో రూ.24,000 కోట్ల సేల్స్!
- Follow Us :
-
-
Add as a preferred
source on google
Festive Sale: పండుగల సీజన్ మొదలవడంతో ఇండియన్ ఆన్లైన్ మార్కెట్ సేల్స్ సునామీని చూస్తోంది. అమెజాన్, ఫ్లిప్కార్ట్, మీషో, జియో వంటి ఈ-కామర్స్ దిగ్గజాలు ప్రకటించిన ఫెస్టివల్ సేల్స్ స్టార్ట్ అయిన మొదటి రెండు రోజుల్లోనే రికార్డు స్థాయి వ్యాపారం నమోదైంది. కేవలం 48 గంటల వ్యవధిలోనే వినియోగదారులు దాదాపు రూ. 24,200 కోట్ల (2.5 బిలియన్ డాలర్లు) విలువైన వస్తువులను కొనుగోలు చేసినట్లు ప్రముఖ కన్సల్టింగ్ సంస్థ ‘రెడ్సీర్ స్ట్రాటజీ కన్సల్టెంట్స్’ తన తాజా నివేదికలో వెల్లడించింది. రెడ్సీర్ లెక్కల ప్రకారం.. ఈ రెండు రోజుల్లోనే దేశవ్యాప్తంగా సుమారు 6 నుంచి 6.5 కోట్ల మంది యూజర్స్ పండుగ సేల్స్లో భాగస్వామ్యమయ్యారని వెల్లడించింది. వివిధ ప్లాట్ఫామ్లలో కలిసి మొత్తం 8 నుంచి 9 కోట్ల ఆర్డర్లు వెల్లువెత్తాయి. సాధారణ రోజుల్లో నమోదయ్యే సగటు బిజినెస్తో పోలిస్తే ఇది ఏకంగా 6 రెట్లు ఎక్కువ కావడం విశేషం. అంతేకాదు అమెజాన్, ఫ్లిప్కార్ట్ సంస్థలు స్పీడ్ డెలివరీల కోసం ప్రవేశపెట్టిన ‘క్విక్ కామర్స్’ విభాగాలు కూడా సాధారణ రోజుల కంటే 4 నుంచి 5 రెట్లు అధిక వ్యాపారాన్ని నమోదు చేశాయి.
మొబైల్ ఫోన్లదే అగ్రస్థానం..
ఈ భారీ కొనుగోళ్లలో అత్యధిక వాటా స్మార్ట్ఫోన్లదే నిలిచింది. డిస్కౌంట్లు, ఎక్స్ఛేంజ్ ఆఫర్లు భారీగా ఉండటంతో వినియోగదారులు కొత్త ఫోన్ల కొనుగోలుపై ఎక్కువగా మొగ్గు చూపారు.
Also Read
- Gold and Silver Prices: కొనాలనుకునేవారికి గుడ్ న్యూస్.. మరోసారి భారీగా బంగారం, వెండి ధరల పతనం..
- Gold Adulteration Alert: బంగారం కొనేవారికి బిగ్ అలర్ట్.. పసిడిలో రీనియం పౌడర్ కల్తీ?.. 24 క్యారెట్స్ పరీక్షలోనూ పాస్!
- Gold Purity Test: మీ నగలు అసలైనవేనా? మార్కెట్లో 'చైనా పౌడర్' కల్తీ కలకలం.. ఈ టెస్టులతో సింపుల్గా పట్టేయండి!
- Stock Market Crash: దలాల్ స్ట్రీట్లో రక్తపాతం.. ఒక్క దెబ్బతో రూ.6 లక్షల కోట్లు ఆవిరి.. కుప్పకూలిన సెన్సెక్స్, నిఫ్టీ!
* మొబైల్ ఫోన్లు: మొత్తం అమ్మకాల్లో 38 నుంచి 40 శాతం వాటాను కైవసం చేసుకున్నాయి. వీటి విలువ దాదాపు రూ.9,100 కోట్ల నుంచి రూ.9,600 కోట్లుగా ఉంది.
* కన్స్యూమర్ ఎలక్ట్రానిక్స్ & గృహోపకరణాలు: దాదాపు 25 నుంచి 27 శాతం (రూ.6,000 – రూ.6,500 కోట్లు) వాటాతో రెండో స్థానంలో నిలిచాయి. టీవీలు, వాషింగ్ మెషీన్లు, ఫ్రిజ్ వంటి పెద్ద గృహోపకరణాల అమ్మకాలు మార్కెట్ అంచనాలను మించి దూసుకుపోయాయి.
* ఫ్యాషన్ ఉత్పత్తులు: 15 నుంచి 18 శాతం (రూ.3,630 – రూ.4,350 కోట్లు) వాటాను దక్కించుకున్నాయి.
గతంలో మెట్రో నగరాలకే పరిమితమైన ఈ-కామర్స్ క్రేజ్ ఇప్పుడు టైర్-2, చిన్న నగరాలకు విస్తరించింది. ముఖ్యంగా బడ్జెట్ ఫ్రెండ్లీ ఫ్యాషన్ దుస్తులకు చిన్న పట్టణాల నుంచి భారీ రెస్పాన్స్ వచ్చింది. ఇక ఈ స్టార్టింగ్ రెండు రోజుల్లో షాపింగ్ చేసిన వారిలో దాదాపు మూడో వంతు (33 శాతానికి పైగా) ‘జెన్ జెడ్’ యూజర్స్ ఉండటం గమనార్హం. కేవలం మొదటి 48 గంటల్లోనే రూ.24 వేల కోట్ల మార్కును తాకిన ఈ-కామర్స్ సేల్స్.. రాబోయే రోజుల్లో మరిన్ని రికార్డులను తిరగరాయడం ఖాయంగా కనిపిస్తోంది.
తాజావార్తలు
-
Asus TUF Gaming F16, A15: Asus TUF Gaming F16, A15 లాంచ్.. RTX గ్రాఫిక్స్తో అదిరిపోయే ఫీచర్లు!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
-
Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
-
International Men’s Day: “నువ్వు మగాడివి.. ఏడవకూడదు”.. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..