తిరుమల శ్రీవారిని టాలీవుడ్ హీరోయిన్ హీరోయిన్ మీనాక్షి చౌదరి, ఐశ్వర్యా రాజేష్ దర్శించుకున్నారు. ఈ రోజు ఉదయం బ్రేక్ దర్శనం సమయంలో స్వామి వారిని దర్శించుకుని ఆశీస్సులు అందుకున్నారు. అనంతరం స్వామి వారి తీర్థప్రసాదాలను స్వీకరించారు.
Also Read : Telangana : నేడు తెలంగాణ హైకోర్టులో ప్రభాస్, చిరంజీవి సినిమాల టికెట్ రేట్ల పెంపుపై విచారణ..
అనంతరం మీడియాతో మీనాక్షి చౌదరి మాట్లాడుతూ ‘ అందరికి నమస్కారం. స్వామి వారి దర్శనం చేసుకోవడం ఎంతో సంతోషంగా ఉంది. నేను నటించిన అనగనగా ఒక రాజు చిత్రం సంక్రాంతి కానుకగా ఈ నెల 14వ తేదీన విడుదలవుతుంది. ఈ సందర్భంగా సినిమా హిట్ అవ్వాలి. అలాగే మాతో పాటు రిలీజ్ అవుతున్న అందరి సినిమాలు హిట్ అవాలి. నాగచైతన్యతో కలసి నటిస్తున్న చిత్రం ఈ ఏడాది విడుదలవుతుంది. మరికొన్ని ప్రాజెక్టుల వివరాలు త్వరలోనే ప్రకటిస్తాను’ అని అన్నారు.
హీరోయిన్ ఐశ్వర్యా రాజేష్ మాట్లాడుతూ ‘ స్వామి వారిని దర్శనం చేసుకోవడం చాలా సంతోషంగా ఉంది. ప్రస్తుతం తెలుగులో రెండు సినిమాలు చేస్తున్నాను. ఈ సంక్రాంతికి విడుదలవుతున్న అన్ని చిత్రాలు విజయవంతం కావాలి. కొత్త ప్రాజెక్టుల గురించి త్వరలో ప్రకటిస్తాను’ అని అన్నారు.
