Kollywood : నయనతార నిర్మాతగా సేతుపతి హీరోగా సినిమా..?

తమిళ స్టార్ హీరోలలో విజయ్ సేతుపతి ఒకరు. ఇటీవల సేతుపతి నటించిన ‘ మహారాజా’ సూపర్ హిట్ గా నిలవడమే కాకుండా కాసుల వర్షం కురిపించింది. తొలిసారి విజయ్ సేతుపతిని వంద కోట్ల హీరోగా మార్చింది మహారాజా. నీతిలన్ స్వామి నాథన్ దర్శకత్వం వహించిన ఈ సినిమా వరల్డ్ వైడ్ బాక్సాఫీస్ వద్ద రూ. 100 కోట్లకు పైగా రాబట్టింది. తాజాగా ఈ సినిమాను చైనా భాషలో రీమేక్ చేయగా అక్కడ కూడా బ్లాక్ బస్టర్ గా నిలిచి వంద కోట్లు కలెక్ట్ చేసింది. తాజాగా సేతుపతి నటించిన విడుదల థియేటర్స్ లో రిలీజ్ అయి హిట్ టాక్ తో రన్ అవుతోంది.

Also Read : Samyukta Menon : మూడు ఇండస్ట్రీలను మడతపెట్టేస్తోన్న అమ్మడు

అదే జోష్ లో సేతుపతి మరొక మాస్ యాక్షన్ సినిమాకు గ్రీన్ సిగ్నల్ ఇచ్చినట్టు కోలీవుడ్ మీడియాలో వార్తలు హల్ చల్ చేస్తున్నాయి. యాక్షన్ సినిమాలకు పేరొందిన హరి దర్శకత్వంలో విజయ్ సేతుపతి ఓ సినిమా చేయనున్నాడట. ఇద్దరి మధ్య ఇప్పటికే కథా చర్చలు ముగిశాయని కూడా సమాచారం. అయితే ఈ సినిమాను లేడీ సూపర్ స్టార్ నయనతార నిర్మించనుందట. నయన్ సొంత బ్యానర్ రౌడీ పిచ్చర్స్ పై నిర్మించనుందట. ఇప్పటి వరకు మిడ్ రేంజ్ సినిమాలకు నిర్మాతగా వ్యవహరిస్తున్న నయన్ తొలిసారిగా ఓ భారీ బడ్జెట్ సినిమాను నిర్మించనుంది. అయితే ప్రస్తుతం ఈ సినిమా చర్చల దశలోనే ఉందని అన్ని వివరాలు త్వరలోనే  వివరిస్తామని అంటున్నాయట నయన్ నిర్మాణ సంస్థ వర్గాలు.