#NBKxKoratalaSiva: ఆ వార్తలు నిజం కాదు.. తేల్చేసిన టీమ్!

#NBKxKoratalaSiva: నందమూరి బాలకృష్ణ, కొరటాల శివ కాంబినేషన్‌లో రాబోతున్న సినిమాపై టాలీవుడ్‌లో ఎంతటి హైప్ ఉందో ప్రత్యేకంగా చెప్పక్కర్లేదు. అయితే రెండు మూడు రోజులుగా ఈ సినిమా మ్యూజిక్ డైరెక్టర్ గురించి సోషల్ మీడియాలో తెగ చర్చ నడుస్తోంది. ఫలానా మ్యూజిక్ డైరెక్టర్‌ను లాక్ చేసేశారంటూ నెట్టింట ఒకటే హడావుడి, రకరకాల వార్తలు వైరల్ అయిపోయాయి. ఫ్యాన్స్ కూడా అది నిజమేనేమో అనుకుని తెగ షేర్లు చేసేశారు. ఈ ప్రచారం బాగా ఎక్కువైపోవడంతో చివరకు సినిమా నిర్మిస్తున్న ఎస్‌ఎల్‌వీ సినిమాస్ వాళ్లు, డైరెక్టర్ కొరటాల శివ టీం వాళ్లు స్వయంగా రంగంలోకి దిగి ఈ ఊహాగానాలన్నింటికీ ఫుల్‌స్టాప్ పెడుతూ క్లారిటీ ఇచ్చారు.

సినిమాకు సంబంధించి బయట వస్తున్న రూమర్స్ ఏవీ నమ్మొద్దని సోషల్ మీడియా వేదికగా చిత్ర బృందం స్పష్టం చేసింది. ముఖ్యంగా మ్యూజిక్ డైరెక్టర్ ఎంపికపై ఇంకా చర్చలు జరుగుతున్నాయని, ఎవరినీ ఇంకా ఫైనల్ చేయలేదని తేల్చి చెప్పారు. త్వరలోనే అన్ని విషయాలు తామే అధికారికంగా వెల్లడిస్తామని, అప్పటివరకు కాస్త ఓపిక పట్టాలని ఫ్యాన్స్‌ను కోరారు. దాంతో ప్రస్తుతం వినిపిస్తున్న పేర్లన్నీ ఒట్టి పుకార్లేనని తేలిపోయింది. మరి బాలయ్య మాస్ బాడీ లాంగ్వేజ్‌కు, కొరటాల స్టైల్‌కు తగ్గట్టు ఆ అదిరిపోయే బాణీలు కట్టే ఛాన్స్ ఎవరికి దక్కుతుందో చూడాలని ఫ్యాన్స్ చాలా ఆసక్తికరంగా ఎదురు చూస్తున్నారు.

Don’t believe or fall for any rumours or speculation regarding our film #NBKxKoratalaSiva.

The music director is still under discussion and has not been officially confirmed yet.

An official announcement will be made soon.Stay tuned! ❤️@SLVCinemasOffl

— Team Koratala (@TeamKoratala) October 30, 2026