Joker : నిర్మాతగా బన్నీ బెస్ట్ ఫ్రెండ్.. అల్లు అరవింద్ క్లాప్’తో ‘జోకర్’ గ్రాండ్ లాంచ్!

టాలీవుడ్ ఇండస్ట్రీలో సరికొత్త ప్రొడక్షన్ హౌస్ గ్రాండ్ ఎంట్రీ ఇచ్చింది. ‘మీరా ప్రొడక్షన్స్’ బ్యానర్‌పై ప్రొడక్షన్ నెం.1గా తెరకెక్కబోతున్న అత్యంత ప్రతిష్టాత్మక మూవీ “జోకర్”. ఐకాన్ స్టార్ అల్లు అర్జున్‌కు అత్యంత ఆప్తమిత్రుడైన సందీప్ రామిశెట్టి ఈ సినిమాను నిర్మిస్తుండటం విశేషం. టాలీవుడ్ టాప్ సెలబ్రిటీలు, గీతా ఆర్ట్స్ కాంపౌండ్ ముఖ్యల సమక్షంలో ఈ మూవీ ఈరోజు పూజా కార్యక్రమాలతో అత్యంత వైభవంగా ప్రారంభమైంది. మొదటి సీన్‌కు టాలీవుడ్ ఏస్ ప్రొడ్యూసర్, గీతా ఆర్ట్స్ అధినేత అల్లు అరవింద్ క్లాప్ కొట్టారు. అల్లు అర్జున్ సతీమణి అల్లు స్నేహా రెడ్డి కెమెరా స్విచ్ ఆన్ చేసి చిత్ర యూనిట్‌కు బెస్ట్ విషెస్ తెలిపారు.

టాలీవుడ్ సక్సెస్‌ఫుల్ ప్రొడ్యూసర్లు బన్నీ వాస్, ఎస్‌కేఎన్ లు కలిసి చిత్ర స్క్రిప్ట్‌ను దర్శకుడికి అందజేశారు. అల్లు అర్జున్ క్లోజ్ ఫ్రెండ్ నిర్మిస్తున్న సినిమా కావడంతో ఐకాన్ స్టార్ అభిమానుల్లో ఈ ప్రాజెక్ట్ అనౌన్స్‌మెంట్ రోజే భారీ అంచనాలు క్రియేట్ అయ్యాయి. ఈ వైవిధ్యమైన సినిమాను డైరెక్టర్ గీతా సి. శేఖర్ తెరకెక్కిస్తున్నారు. అవుట్ అండ్ అవుట్ టాప్-క్లాస్ ఎంటర్‌టైనర్‌గా రాబోతున్న ఈ సినిమాలో మౌర్య సిద్ధవరం, తన్వి ఆకాంక్ష లీడ్ రోల్స్ పోషిస్తున్నారు. అలాగే టాలీవుడ్ హిలేరియస్ కమెడియన్ సుదర్శన్ ఈ చిత్రంలో ఒక కీలక పాత్రలో నవ్వించబోతున్నారు. ఈ చిత్రానికి స్టార్ సినిమాటోగ్రాఫర్ సురేష్ రగుతు విజువల్స్ అందిస్తుండటం విశేషం.