రామ్ చరణ్ హీరోగా, ప్రముఖ దర్శకుడు శంకర్ దర్శకత్వంలో తెరకెక్కిన ‘గేమ్ ఛేంజర్’ చిత్రం ఈ ఏడాది సంక్రాంతికి విడుదలై మిశ్రమ స్పందనను అందుకుంది. ఈ సినిమా ఎడిటింగ్‌లో కీలక పాత్ర పోషించిన మలయాళ ఎడిటర్ షమీర్ మహ్మద్, ఇటీవల ఓ ఇంటర్వ్యూలో శంకర్‌తో తన అనుభవం గురించి షాకింగ్ వ్యాఖ్యలు చేశారు. ఈ సినిమా ఎడిటింగ్ ప్రక్రియ, శంకర్‌తో పని చేసిన అనుభవం, సినిమా ఆలస్యం కావడానికి కారణాలను షమీర్ వెల్లడించారు. షమీర్ తన ఇంటర్వ్యూలో, సినిమా ఒరిజినల్ ఫుటేజ్ సుమారు 7 నుంచి 7.30 గంటల నిడివి ఉందని వెల్లడించారు. “నేను ఈ ప్రాజెక్ట్‌లో పనిచేసినప్పుడు, సినిమా నిడివి ఏడు నుంచి ఏడున్నర గంటల వరకు ఉంది. దాన్ని నేను 3 నుంచి 3.30 గంటలకు ట్రిమ్ చేశాను. నా తర్వాత కొత్త ఎడిటర్ వచ్చిన తర్వాత, దాన్ని మరింత కుదించి 3 గంటలకు ఎడిట్ చేసినట్లు తెలుస్తోంది,” అని షమీర్ వివరించారు. చివరికి, ‘గేమ్ ఛేంజర్’ సినిమా 2 గంటల 45 నిమిషాల రన్ టైంతో థియేటర్లలో విడుదలైంది.
Also Read:Prabhas : ప్రభాస్ అలాంటి వాడే.. మాళవిక షాకింగ్ కామెంట్స్
షమీర్ మహ్మద్, శంకర్‌తో కలిసి పనిచేయడం గురించి మాట్లాడుతూ, “శంకర్‌తో వర్క్ చేయడం భయంకరమైన అనుభవం. నేను చాలా ఉత్సాహంతో, గొప్ప అనుభవం అవుతుందని ఆశించి ఈ ప్రాజెక్ట్‌లో చేరాను. కానీ, సరైన ప్లానింగ్ లేకపోవడం, సినిమా ఆలస్యం కావడం, శంకర్ ఇతర కమిట్మెంట్స్‌లో బిజీగా ఉండటం వంటి కారణాల వల్ల ఈ ప్రాజెక్ట్ నుంచి తప్పుకోవాల్సి వచ్చింది,” అని తెలిపారు. ఈ వ్యాఖ్యలు సినీ వర్గాల్లో తీవ్ర చర్చనీయాంశంగా మారాయి.‘గేమ్ ఛేంజర్’ చిత్రం షూటింగ్ సమయంలో శంకర్ ఇతర ప్రాజెక్ట్‌లతో బిజీగా ఉండటం, సరైన ప్లానింగ్ లేకపోవడం వంటి అంశాలు సినిమా ఆలస్యానికి కారణమని షమీర్ స్పష్టం చేశారు. ఈ సినిమా షూటింగ్ సుమారు7.30 గంటల ఫుటేజ్‌ను కలిగి ఉందని, దాన్ని ఎడిట్ చేయడం అత్యంత సవాల్‌తో కూడిన పని అని షమీర్ తెలిపారు. అయితే, సినిమా చివరికి 2 గంటల 45 నిమిషాలకు కుదించబడి, థియేటర్లలో విడుదలైంది.
