Bhumi Pednekar : హీరోయిన్ల పారితోషికంలో వివక్ష… హీరోలను అడగరే ?
సామాజిక న్యాయంలో లింగ సమానత్వం, అమ్మాయిల అభివృద్ధి గురించి వింటాము, మాట్లాడుతాము. కానీ భారతదేశంలోని పలుచోట్ల మహిళలు ఇప్పటికీ చాలా విషయాల్లో వివక్షను ఎదుర్కొంటున్నారు. మగవారికి సమానంగా కష్టపడి, సమయం కేటాయించినప్పటికీ వివిధ ప్రైవేట్ రంగాలలో వారు పొందే జీతం ఒకేలా ఉండదు. ఇక సినిమా ఇండస్ట్రీలో పరిస్థితి గురించి ప్రత్యేకంగా చెప్పక్కర్లేదు. పారితోషికం విషయంలో నటీమణుల పట్ల ఇండస్ట్రీలో విపరీతమైన వివక్ష ఉంటుందన్నది వాస్తవం. తాజాగా ఇదే విషయంపై ఓ బీటౌన్ హీరోయిన్ స్పందించింది.
Read Also : Yashoda : సమంత కోసం 7 స్టార్ హోటల్… కోట్లలో ఖర్చు
బాలీవుడ్ బ్యూటీ భూమి పెడ్నేకర్ తాజాగా ఒక ఇంటర్వ్యూలో చిత్ర పరిశ్రమలో వేతన వ్యత్యాసాల సమస్య గురించి మాట్లాడారు. “దయచేసి కోవిడ్-19 పరిస్థితిని దృష్టిలో ఉంచుకుని జీతం తగ్గించుకోండి అని ఏ నిర్మాత వెళ్లి నా సహనటుడితో చెప్పినట్లు వినలేదు లేను. అది జరగదు కూడా. కానీ మమ్మల్ని మాత్రం అడుగుతారు. ఇది హాస్యాస్పదంగా అన్పిస్తుంది” అంటూ భూమి పెడ్నేకర్ హీరోయిన్లు పారితోషికాల విషయంలో ప్రస్తుతం ఎదుర్కొంటున్న పరిస్థితిని వివరించింది. సినిమా ఇండస్ట్రీలో హీరోలతో పోలిస్తే హీరోయిన్లకు ఇచ్చే రెమ్యూనరేషన్ తక్కువే. మరి అందులోనూ తగ్గించుకోమని అడగడం నిజంగా హాస్యాస్పదమే !