నటసింహం నందమూరి బాలకృష్ణ ‘వీర సింహా రెడ్డి’లా మారి సంక్రాంతి బాక్సాఫీస్ దగ్గర వార్ చెయ్యడానికి రెడీ అవుతుంటే, ఒక ఆస్ట్రేలియన్ మోడల్ మాత్రం ‘మా బావ మనోభావాలు’ అంటూ హంగామా చేస్తోంది. బాలయ్య దగ్గర బావ పంచాయితి పెట్టిన ఆ ఆస్ట్రేలియన్ డాన్సర్ పేరు ‘చంద్రిక రవి’. తెలుగులో ‘చీకటి గదిలో చితక్కొట్టుడు’ లాంటి సినిమాలో నటించిన ‘చంద్రిక రవి’ వీర సింహా రెడ్డి సినిమాలో ఒక స్పెషల్ సాంగ్ చేస్తోంది. ‘మా బావ మనోభావాలు’ అంటూ సాగే ఈ పాట డిసెంబర్ 24న మధ్యాహ్నం 3:19కి బయటకి రానుంది. శేఖర్ మాస్టర్ స్టెప్స్ కంపోజ్ చేసిన ఈ సాంగ్ లో సూపర్ జోష్ ఉంటుందని, న్యూ ఇయర్ సెలబ్రేషన్స్ లో ‘మా బావ మనోభావాలు’ పాటనే వినిపిస్తుందని చిత్ర యూనిట్ కాన్ఫిడెంట్ గా ఉన్నారు.
సాంగ్స్ హిట్ అయ్యాయి ఆడియన్స్ లోకి వెళ్లిపోతే సగం ప్రమోషన్స్ అయిపోయినట్లే. ఇప్పటికే ‘వీర సింహా రెడ్డి’ సినిమా నుంచి రెండు సాంగ్స్ బయటకి వచ్చి చార్ట్ బస్టర్స్ గా నిలిచాయి, మూడో సాంగ్ కూడా మంచి రెస్పాన్స్ తెచ్చుకుంటే ‘వీర సింహా రెడ్డి’ సినిమా ప్రమోషన్స్ లో జోష్ మరింత పెరుగుతుంది. 2017లో వచ్చిన పైసా వసూల్ తర్వాత బాలయ్య నటించిన ఏ సినిమాలో కూడా సరైన ఐటెం సాంగ్ పడలేదు. సీరియస్ గా వెళ్తున్న సినిమాలో కాస్త రిలీఫ్ ఇస్తూ మాస్ ఆడియన్స్ ని ఉర్రూతలూగించే రేంజులో ఒక మాస్ సాంగ్ పడితే, దాని ఇంపాక్ట్ ఎలా ఉంటుందో ‘క్రాక్’ సినిమాలో చూపించిన గోపీచంద్ మలినేని మరోసారి ఆ మ్యాజిక్ ని ‘వీర సింహా రెడ్డి’ సినిమాలో చూపించబోతున్నాడు. పైగా తమన్ సూపర్బ్ ఫాంలో ఉన్నాడు కాబట్టి ‘మా బావ మనోభావాలు’ సాంగ్ ‘వీర సింహా రెడ్డి’ సినిమాకే హైలైట్ అవ్వడం గ్యారెంటి.
