Adipurush: ఫ్యాన్స్ సిద్ధంకండి.. టీజర్ వచ్చేస్తోంది.. ఆరోజే!

Adipurush Teaser To Release On October 3: పాన్ ఇండియా స్టార్ ప్రభాస్ వరుసగా లైన్‌లో పెట్టిన ప్రతిష్టాత్మక ప్రాజెక్టుల్లో ఆదిపురుష్ ఒకటి. ఎప్పుడో భూమి పుట్టినప్పుడే ఈ సినిమా చిత్రీకరణ ముగిసింది కానీ, యూనిట్ నుంచి ఇంతవరకూ ఒక్క ఫస్ట్ లుక్ పోస్టర్ కూడా రాలేదు. అప్పుడెప్పుడో ఒకసారి వీఎఫ్ఎక్స్ పనులు జోరుగా సాగుతున్నాయని, మరోసారి వచ్చే ఏడాది జనవరి 12న సినిమాని రిలీజ్ చేస్తామని రెండు అప్డేట్స్ వచ్చాయో తప్ప.. అంతకుమించి మరే వివరాలు వెల్లడి కాలేదు. ఆయా సందర్భాల్లో ఫస్ట్ లుక్ రిలీజ్ చేస్తారేమోనని ఫ్యాన్స్ ఎంతో ఆశగా ఎదురుచూశారు కానీ, చివరికి అవి అడియాశలుగానే మిగిలిపోయాయి. ఫస్ట్ లుక్ కోసం ఇంకెన్నాళ్లు నిరీక్షించాలి? అంటూ కళ్లు కాయలు కాచేలా అభిమానులు వేచి చూస్తూనే ఉన్నారు.

అయితే.. ఇప్పుడు ఇంకెంతోకాలం వేచి చూడాల్సిన అవసరం లేదు. ఎందుకంటే, ఎప్పుడెప్పుడా అని ఎదుచూస్తున్న ఓ అదిరిపోయే అప్డేట్ వచ్చేసింది. ఫస్ట్ లుక్ కాదు, ఏకంగా టీజర్‌నే విడుదల చేయబోతున్నట్టు సమాచారం వచ్చింది. ‘‘దసరా సందర్భంగా శ్రీరాముడు జన్మస్థలమైన అయోధ్యలో నిర్వహించిన ఓ గ్రాండ్ ఈవెంట్‌లో ఆదిపురుష్ టీజర్‌ని రిలీజ్ చేయబోతున్నారు. ఇక అప్పటినుంచి విడుదల తేదీ (12-01-23) వరకు ఏకధాటిగా ప్రమోషన్ కార్యక్రమాల్ని చేపట్టనున్నారు’’ అంటూ సన్నిహిత వర్గాలు వెల్లడించాయి. ఫైనల్‌గా.. ప్రభాస్ ఫ్యాన్స్‌కి పండుగ చేసుకునే ఆ శుభ సందర్భం మరెంతో దూరం లేదని చెప్పుకోవచ్చు. ఓమ్ రౌత్ దర్శకత్వంలో రూపొందుతోన్న ఈ మైథలాజికల్ సినిమాలో సీత పాత్రలో కృతి సనన్, రావణుడిగా సైఫ్ అలీ ఖాన్ నటిస్తున్నారు.