Actress Kriti Sanon Buys A New Apartment In Bandra Mumbai: ఈ రోజుల్లో కృతి సనన్ నిరంతరం వార్తల్లో నిలుస్తూనే ఉంటుంది. ఇటీవలే ఆమె మిమీలో తన నటనకు ఉత్తమ నటిగా జాతీయ చలనచిత్ర అవార్డును గెలుచుకుంది. ఇది కాకుండా, ఆమె నటించిన గణపత్ చిత్రం కూడా గత శుక్రవారం (అక్టోబర్ 20) విడుదలైంది. ఇక ఆమెకు ఆ సినిమా అంతగా కలిసి రాలేదు అనుకోండి అది వేరే విషయం. హిట్లు లేకున్నా ఆమె ముంబైలో కొత్త అపార్ట్మెంట్ కోసం వెతుకుతున్నట్లు చాలా కాలంగా సోషల్ మీడియాలో చర్చలు జరిగాయి. ఇప్పుడు తాజా సంచలనం ఏమిటంటే, కృతి తన కోసం బాంద్రాలో కొత్త ఇంటిని కొనుగోలు చేసిందని అంటున్నారు. అయితే ఈ విషయాన్ని నటి ఇంకా ధృవీకరించలేదు. ఇటీవల నటి బాంద్రాలోని తన కొత్త అపార్ట్మెంట్ వెలుపల కనిపించింది.
Ustaad Bhagat Singh : పవన్ పవర్ ఫుల్ పోస్టర్ రిలీజ్ చేసిన మేకర్స్..
మీడియా నివేదికల ప్రకారం, కృతి భవనంలో 4-BHK అపార్ట్మెంట్ను కొనుగోలు చేసినట్లు నివేదించబడింది, దీని విలువ ₹35 కోట్లు ఉంటుందని అంటున్నారు. అందుతున్న సమాచారం ప్రకారం, క్రికెటర్ కేఎల్ రాహుల్ కూడా ఇదే భవనంలో నివసిస్తున్నారు. కృతి నటించిన గణపత్ సినిమా ప్రేక్షకుల ముందుకు వచ్చింది. ఆమెతో పాటు టైగర్ ష్రాఫ్, అమితాబ్ బచ్చన్ కూడా ఈ సినిమాలో ప్రధాన పాత్రలు పోషించారు. ఈ సినిమాలో ఆమె పవర్ఫుల్ యాక్షన్ రోల్లో కనిపించింది. ఇక ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. సూపర్ 30, క్వీన్ వంటి చిత్రాలను రూపొందించిన వికాస్ బహ్ల్ ఈ సినిమాకి దర్శకత్వం వహిస్తున్నారు. మొదటి వీకెండ్ లో ఈ సినిమా రూ.10 కోట్ల మార్కును కూడా దాటలేదు. ఆమె సినిమాల గురించి మాట్లాడాలి అంటే కృతి అనేక సినిమాల్లో నటిస్తోంది.
