Taraka Rama : ఇండియన్ సినిమా హిస్టరీలో సరికొత్త ప్రయోగం “పూర్ణ చందర్ రావు”

తెలుగు సినీ పరిశ్రమ ఎప్పుడూ వైవిధ్యమైన కథలను ప్రోత్సహిస్తుంది. కానీ కొన్నిసార్లు, కొన్ని టాపిక్స్ గురించి మాట్లాడటం సాహసమే. అలాంటి ఓ కొత్త ప్రయోగమే ‘పూర్ణ చంద్రరావు’. ఇండియన్ సినిమాలో తొలిసారి పోర్న్ అడిక్షన్ అనే డిఫరెంట్ కాన్సెప్ట్ ని ఎత్తిచూపిస్తూ వస్తున్న ఈ సినిమా తారక రామ దర్శకత్వంలో తెరకెక్కబోతుంది. ‘ఏం చేస్తున్నావ్’ అనే సినిమాలో నటించిన విజయ్ రాజ్ కుమార్ ఇప్పుడు ‘పూర్ణ చంద్రరావు’ లో హీరో గా నటిస్తున్నారు. అంతే కాదు ఈ డిఫరెంట్ కాన్సెప్ట్ కు రైటర్ గాను వ్యవహరిస్తున్నాడు.

Also Read : Kolly Wood : స్పెషల్ వీడియోలతో అదరగొడుతున్న యంగ్ డైరెక్టర్స్..

తాజాగా ‘పూర్ణ చంద్రరావు ఫస్ట్ లుక్ పోస్టర్ ను రిలీజ్ చేసారు మేకర్స్. చూస్తుంటే ఇదేదో టాలీవుడ్ లో తీవ్ర చర్చకు దారి తీసే సినిమాల ఉంది. సోఫా మీద అర్ధనగ్నంగా కూర్చొని ల్యాప్‌టాప్ చూస్తున్న హీరో, వెనుక స్టీవ్ జాబ్స్, ఎలాన్ మస్క్ ఫోటోలు ఇవన్నీ కలిపి ప్రేక్షకులను ఆశ్చర్యానికి గురిచేస్తోంది. టెక్నాలజీ, పోర్న్ అడిక్షన్, మానసిక స్థితి అన్నీ కలిపి ఓ డీప్ అర్ధం చెప్పేలా డిజైన్ చేసిన పోస్టర్ సోషల్ మీడియాలో వైరల్ గా మారింది. మామూలుగా మనం మద్యం, డ్రగ్స్, సోషల్ మీడియా అడిక్షన్ గురించి సినిమాలు చూస్తాం. కానీ పోర్న్ అడిక్షన్ గురించి ఓ ఫీచర్ ఫిల్మ్ రావడం ఇండియాన్ సినిమా చరిత్రలో ఇదే మొదటిసారి. ‘పూర్ణ చంద్రరావు’ ఈ టాపిక్ ను ఎంటర్టైన్మెంట్ & థాట్ప్రొవోకింగ్ స్టైల్ లో చూపించబోతుంది. ఇటీవల రిలీజ్ అనగనగా ఆస్ట్రేలియా లో’ సినిమాతో కొత్తగా ట్రై చేసిన తారక రామ, ఇప్పుడు మరింత బోల్డ్ కథనాన్ని ఎంచుకున్నారు. టాలీవుడ్ లో  సరికొత్త ట్రెండ్ కు శ్రీకారం చుట్టిన ఈ సినిమాను సహాన ఆర్ట్ క్రియేషన్స్ పై మాధవి మంగపతి మరియు యారీక్ స్టూడియోస్ సంయుక్తంగా నిర్మిస్తున్నారు.