Iron & Calcium: నడుము నొప్పి, నీరసంతో బాధపడుతున్నారా.? మహిళల పాలిట సంజీవని ఈ లడ్డు.!

Iron Rich Foods for Women : భారతీయ వంటకాల్లో నువ్వుల లడ్డుకు ఒక ప్రత్యేక స్థానం ఉంది. ముఖ్యంగా సంక్రాంతి వంటి పండుగలకు నువ్వులు, బెల్లం కలిపి చేసే ఈ లడ్డులు తప్పనిసరిగా కనిపిస్తాయి. కేవలం పండుగ వంటకంగానే కాకుండా, రోజువారీ ఆహారంలోనూ ఇది ఒక గొప్ప పోషకాహారంగా (Superfood) పనిచేస్తుంది. ఎముకల బలానికి అవసరమైన కాల్షియం, శరీరంలో రక్తాన్ని పెంచే ఐరన్ వంటి పోషకాలు నువ్వుల్లో పుష్కలంగా ఉంటాయి. బెల్లంలోని తీపి , నువ్వుల కమ్మని రుచి కలిసిన ఈ లడ్డులు పిల్లల నుండి పెద్దల వరకు అందరికీ నచ్చుతాయి.

తయారీకి కావాల్సిన పదార్థాలు
రుచికరమైన నువ్వుల లడ్డులు తయారు చేసుకోవడానికి మన ఇంట్లో ఉండే సామాగ్రి సరిపోతుంది. ఒక కప్పు నువ్వులు (తెల్లటివి లేదా నల్లటివి), ముప్పావు కప్పు తురిమిన బెల్లం, అర టీస్పూన్ యాలకుల పొడి , రెండు చెంచాల నెయ్యి ఉంటే చాలు. నువ్వులను ముందుగా శుభ్రం చేసుకుని సిద్ధంగా ఉంచుకోవాలి.

 

తయారీ విధానం
లడ్డుల తయారీ కోసం ముందుగా స్టవ్ వెలిగించి ఒక పాన్ పెట్టుకోవాలి. అందులో నువ్వులను వేసి చిన్న మంట మీద (Low flame) దోరగా వేయించాలి. నువ్వులు చిటపటలాడుతూ, మంచి సువాసన వచ్చే వరకు వేయించి పక్కన పెట్టుకోవాలి. ఆ తర్వాత అదే పాన్‌లో తురిమిన బెల్లం వేసి, కేవలం రెండు చెంచాల నీళ్లు పోసి పాకం పట్టాలి. బెల్లం పూర్తిగా కరిగి నురుగు వస్తున్నప్పుడు, ఒక గిన్నెలోని నీటిలో కొంచెం పాకం వేసి చూడాలి. అది ఉండలా తయారైతే పాకం వచ్చినట్టే. వెంటనే అందులో యాలకుల పొడి, నెయ్యి , వేయించిన నువ్వులను వేసి బాగా కలపాలి. మిశ్రమం కొంచెం వేడిగా ఉన్నప్పుడే చేతులకు నెయ్యి రాసుకుని చిన్న చిన్న ఉండలుగా చుట్టుకోవాలి.

ఆరోగ్య ప్రయోజనాలు
నువ్వుల లడ్డు తీసుకోవడం వల్ల అనేక ప్రయోజనాలు ఉన్నాయి. ఇందులో ఉండే మెగ్నీషియం రక్తపోటును అదుపులో ఉంచుతుంది. శీతాకాలంలో ఈ లడ్డులు తినడం వల్ల శరీరానికి కావాల్సిన వేడి అందుతుంది. అలాగే ఆడవారిలో హార్మోన్ల సమతుల్యతకు, ఎముకల పుష్టికి ఇది దివ్యౌషధంగా పనిచేస్తుంది. బయట దొరికే కృత్రిమ స్వీట్ల కంటే ఇంట్లోనే తయారు చేసుకునే ఈ నువ్వుల లడ్డులు ఆరోగ్యకరమైన స్నాక్ ఆప్షన్ అని చెప్పవచ్చు.

Trisha: అనవసర వివాదాల్లోకి లాగితే ఖబర్ధార్.. బీజేపీ నేతపై త్రిష ఫైర్!