Chandipura virus: గుజరాత్ లో రెండ్రోజుల్లో 5 మంది పిల్లల్ని బలితీసుకున్న ‘చండీపురా’ వైరస్..దాని లక్షణాలు ఇవే..

దేశంలో ప్రవేశిస్తున్న కొత్త వైరస్ లతో ప్రజలు భయాందోళనలకు గురవుతున్నారు. కరోనా భయం నుంచి ప్రజలు ఇప్పుడే కోలుకున్న తరుణంలో మరో కొత్త వైరస్ భయాందోళనలను సృష్టిస్తోంది. గుజరాత్‌లోని సబర్‌కాంత, ఆరావళి జిల్లాల్లో చిన్నారులపై ఈ వైరస్ ప్రభావం చూపిస్తోంది. ఈ వైరస్ పేరు ‘చండీపురా’. దీనిని మిస్టరీ వైరస్ అని కూడా అంటారు. గుజరాత్‌లోని ఈ జిల్లాల్లో ఈ వైరస్ కారణంగా 2 రోజుల్లో 5 మంది పిల్లలు మరణించారని వైద్యులు పేర్కొన్నారు. ఇప్పుడు ప్రశ్న ‘చండీపురా’ వైరస్ ఏమిటి? ఈ వైరస్ లక్షణాలు? ఎలా రక్షించాలి? అనే అంశాల గురించి తెలుసుకుందాం.

READ MORE: Viral News: ఆస్పత్రికి వచ్చి రెండ్రోజులు లిఫ్ట్లోనే చిక్కుకున్న రోగి..

ప్రముఖ వైద్యుల సమాచారం ప్రకారం.. గుజరాత్‌లో విధ్వంసం సృష్టిస్తున్న చండీపురా వైరస్ మొదట జ్వరానికి కారణమవుతుంది. ఫ్లూ వంటివి దీని లక్షణాలు. ఈ వైరస్ దోమలు, ఈగలు, కీటకాల ద్వారా వ్యాపిస్తుంది. ఈ వ్యాధి బారిన పడిన పిల్లల మెదడు వాచిపోతుంది. దీని తరువాత.. పిల్లల పరిస్థితి మరింత దిగజారుతుంది. పరిస్థితి క్షీణించి పలువురు పిల్లలు మరణిస్తున్నారు. మహారాష్ట్రలోని నాగ్‌పూర్‌లోని చాందీపూర్ గ్రామంలో 1966లో 15 ఏళ్లలోపు పిల్లలు వైరస్ కారణంగా చనిపోయారని భావిస్తున్నారు. విచారణలోఈ వైరస్‌ కారణంగానే మరణాలు సంభవించినట్లు తేలింది. అప్పటి నుంచి ఈ వైరస్‌కు చండీపురా వైరస్ అని పేరు పెట్టారు. ఇప్పుడు ఈ వైరస్ గుజరాత్‌లోని పలు జిల్లాలకు వ్యాపించింది. నిపుణుల అభిప్రాయం ప్రకారం.. చండీపురా వైరస్ వ్యాప్తికి దోమలు, ఈగలు మరియు కీటకాలు కారణమని భావిస్తున్నారు. ఈ వైరస్ మీ దరి చేరకుండా ఉండాలంటే మీ చుట్టూ పరిశుభ్రతపై ప్రత్యేక శ్రద్ధ వహించండి. ఇది కాకుండా.. ఈ వ్యాధి లక్షణాలు కనిపించిన వెంటనే వైద్యుడిని సంప్రదించండి. మీ స్వంతంగా ఏదైనా ఔషధం తీసుకోవడం మానుకోండి.