Russia-Ukraine War: బెడిసికొట్టిన మస్క్ ప్రణాళిక.. జెలెన్స్కీ కౌంటర్
- Follow Us :
-
-
Add as a preferred
source on google
Zelency Counter Voting On Elon Musk Peace Plan Over Russia Ukraine War: రష్యా-ఉక్రెయిన్ యుద్ధం విషయంలో ప్రపంచ కుబేరుడు ఎలాన్ మస్క్ ఇటీవల ఒక శాంతి ప్రణాళికను ప్రతిపాదించాడు. రష్యా విలీనం చేసుకున్న ప్రాంతాలపై ఓటింగ్, క్రిమియా నీటి సరఫరా విషయాలపై కొన్ని సూచనలు ఇచ్చాడు. ట్విటర్ వేదికగా అతడు ఈ ప్రతిపాదనల్ని చేశాడు. అయితే.. ఈ ప్లాన్ పూర్తిగా బెడిసికొట్టింది. ఉక్రెయిన్ అధ్యక్షుడితో పాటు పలువులు ఉన్నతాధికారులు అతడి ప్రతిపాదనని తిరస్కరించారు. పూర్తి వివరాల్లోకి వెళ్తే..
ఈ ఏడాది ఫిబ్రవరిలో ఉక్రెయిన్పై దురాక్రమణకు దిగిన రష్యా.. ఇటీవల ఉక్రెయిన్లోని ఖేర్సన్, జపోరిజియా, లుహాన్స్క్, దొనెట్స్క్ ప్రాంతాలను విలీనం చేసుకుంది. ఈ విషయాన్ని గత శుక్రవారం ప్రకటించిన రష్యా అధ్యక్షుడు వ్లాదిమిర్ పుతిన్.. ప్రజాభిప్రాయ సేకరణ ద్వారానే తాము ఆ నాలుగు ప్రాంతాల్ని తమ దేశంలో విలీనం చేసుకున్నామని పేర్కొన్నారు. అందుకు సంబంధించిన ఒప్పందాలపై సంతకాలు కూడా చేశారు. అయితే.. ఈ విలీన ప్రక్రియను ఐక్యరాజ్య సమితి సెక్రటరీ జనరల్ ఆంటోనియో గుటెరస్ తీవ్రంగా ఖండించారు. ఇది ఐరాస లక్ష్యాలకు, మూల సిద్ధాంతాలకు విరుద్ధమని మండిపడ్డారు. దీనిని ఉద్దేశించే.. ఎలాన్ మస్క్ తన శాంతి ప్రణాళికలో భాగంగా కొన్ని ప్రతిపాదనల్ని ముందుంచాడు.
Also Read
- Pakistan minister: ఉగ్రవాదం, సింధు జలాలపై పాక్ మంత్రి దాటవేత!
- Putin Praises India: భారత్లో ఇన్ని భాషలా? ఈ వైవిధ్యం అద్భుతం.. పుతిన్ ప్రశంసలు!
- Nepal PM Balen Shah: సంప్రదాయానికి భిన్నంగా నేపాల్ ప్రధాని అడుగులు.. మోదీ, ముర్ములకు అరుదైన చారిత్రక బహుమతులు!
- Seattle Airport Chaos: ఎయిర్పోర్టులో హైడ్రామా.. విమానం ఎక్కుతుండగా ఇద్దరిని ఈడ్చుకెళ్లిన ICE అధికారులు!
‘‘మొదటిది.. ఇటీవల రష్యా విలీనం చేసుకున్న ప్రాంతాల్లో ఐరాస పర్యవేక్షణలో ప్రత్యేక ఎన్నికలు నిర్వహించాలి. ఆ ఎన్నికల్లో ప్రజల తీర్పు ఉక్రెయిన్కి అనుకూలంగా ఉంటే, రష్యా వెంటనే ఆ ప్రాంతాలను వీడేలా చర్యలు తీసుకోవాలి. రెండోది.. 1783 నుంచి క్రిమియా అధికారికంగా రష్యాలో భాగం. దానికి నీటి సరఫరా హామీ ఉండాలి. మూడోది.. ఉక్రెయిన్ తటస్థంగా ఉండాలి’’. ఇవి.. మస్క్ ప్రతిపాదనలు. ఈ ప్రణాళికను ఆయన ఓటింగ్లో పెట్టారు. అయితే.. దీని మీద ఉక్రెయిన్ అధ్యక్షుడు వొలొదిమిర్ జెలెన్స్కీ ఘాటుగా బదులిచ్చారు. ‘మీకు ఉక్రెయిన్వైపు నిలిచే మస్క్ ఇష్టమా? లేక రష్యాకు మద్దతు ఇచ్చే వ్యక్తా..?’ అంటూ కౌంటర్ ఓటింగ్ నిర్వహించారు.
ఈ కౌంటర్ ఓటింగ్ మీద కూడా మస్క్ స్పందించాడు. తన ప్రతిపాదన ప్రజాదరణ పొందకపోయినా పర్వాలేదని, ఇక్కడ ప్రజల ప్రాణాలే ముఖ్యమని తెలిపాడు. రష్యా ఇప్పుడు సైనిక సమీకరణ చేస్తోందని, క్రిమియా ప్రమాదంలో ఉంటే మాత్రం వాళ్లు పూర్తి యుద్ధానికి వెళ్తారని అన్నాడు. అప్పుడు రెండువైపులా భారీ ప్రాణ నష్టం సంభవిస్తుందని చెప్పాడు. ఉక్రెయిన్తో పోలిస్తే రష్యా జనాభా మూడింతల అధికమని, కాబట్టి ఈ యుద్ధంలో ఉక్రెయిన్ విజయం అసంభవమని అతడు అభిప్రాయపడ్డాడు.
తాజావార్తలు
-
Koti Deepotsavam 2026 : మీనాక్షి సుందరేశ్వరుల కల్యాణంతో కోటి దీపోత్సవంలో భక్తి పారవశ్యం.!
-
Sharwa : డబ్బులు పెట్టి వ్యూస్ కొనుక్కునే స్థితిలో మేము లేము.. ‘భోగి’ వేదికపై శర్వానంద్ సంచలన వ్యాఖ్యలు!
-
Kartik Purnima 2026: కార్తీక పౌర్ణమి నాడు చంద్రుడికి అర్ఘ్యం.. సరైన టైమ్ ఇదే.!
-
Dimple Hayathi: ఇప్పటిదాకా నన్ను గ్లామర్ డాల్గానే చూశారు.. ఆ పాత్ర కోసం అన్నీ వదిలేశా!
-
Sampath Nandi: శర్వానంద్కు నేషనల్ అవార్డు రాకపోతే అడగండి
ట్రెండింగ్
-
Store Fresh Coconut: కొబ్బరికాయ కొట్టాక త్వరగా పాడవుతోందా?.. ఈ టిప్స్ ట్రై చేయండి.!
-
Agniveers: కీలక నిర్ణయం తీసుకున్న కేంద్ర ప్రభుత్వం.. అగ్నివీరులకు భారీ ఊరట..
-
NASA Astronaut Video: అంతరిక్షంలో నీటి బిందువుల విన్యాసం.. వెనుక ఉన్న అసలు సైన్స్ ఇదే..
-
Yuvraj Singh: పంత్ విధ్వంసానికి యువరాజ్ ఫిదా.. బ్యాట్తోనే సమాధానమిచ్చావంటూ ప్రశంసలు!
-
Vegetable Biryani Recipe: ఇంట్లోనే రెస్టారెంట్ రుచి.. తెల్లగా, మెతుకు మెతుకు విడివిడిగా ఉండే ‘వెజిటబుల్ బిర్యానీ’ ఇలా చేసేయండి..!