Donald Trump: అప్పటి వరకు యుద్ధం ఆపేదే లేదు.. ఇరాన్‌కు ట్రంప్ అల్టిమేటం..

Donald Trump: అమెరికా అధ్యక్షుడు డొనాల్డ్ ట్రంప్ ఇరాన్ యుద్ధంపై మరో ఇంట్రెస్టింగ్ కామెంట్ చేశారు. ఇరాన్ కొత్త నాయకత్వం కాల్పుల విరణమ కోరతూ తమను సంప్రదించిందని, అయితే హార్ముజ్ జలసంధి ప్రపంచ నౌకాయానానికి తిరిగి తెరిచే వరకు అమెరికా ‘‘కాల్పుల విరమణ’’ను పరిగణించదని స్పష్టం చేశారు. ట్రూత్ సోషల్ వేదికగా ఆయన ఓ ప్రకటనలో ఈ విషయాన్ని చెప్పారు. ఇరాన్ పాత నాయకత్వం కన్నా కొత్త వారు తక్కువ తీవ్రవాద భావాలు కలవారని, చాలా తెలివైనవారని ట్రంప్ కొనియాడారు.

Read Also: Iran: పేరుకు మాత్రమే ఇరాన్ అధ్యక్షుడు.. ఇప్పుడు అధికారం అంతా వారిదే..

చమురు రవాణా మార్గాన్ని ట్రంప్ ప్రస్తావిస్తూ.. హార్ముజ్ జలసంధి తెరుచుకుని, స్వేచ్ఛగా, స్పష్టంగా ఉన్నప్పుడు మాత్రమే ఇరాన్ డీల్ గురించి పరిశీలిస్తామని అన్నారు. అప్పటి వరకు సైనిక చర్యలు కొనసాగుతూనే ఉంటాయని అన్నారు. హార్ముజ్ తెరుచుకునే వరకు ఇరాన్‌ను నాశనం చేస్తామని లేదా వారు చెప్పినట్లుగా రాతి యుగానికి పంపిస్తామని హెచ్చరించారు. ప్రపంచ చమురు రవాణాలో 20 శాతం హార్ముజ్ గుండానే జరుగుతుంది. యుద్ధం ప్రారంభమైన తర్వాత ఇరాన్ హార్ముజ్‌ను తన ఆధీనంలోకి తీసుకుంది.