వెళ్ళి పడుకో..ఏపీ బిజేపి లీడర్ విష్ణువర్ధన్ రెడ్డిపై హీరో సిద్దార్థ్ సంచలన వ్యాఖ్యలు

బిజేపి నాయకులపై హీరో సిద్దార్థ్ సంచలన వ్యాఖ్యలు చేస్తున్నారు. ఇటీవల తనను, తన కుటుంబ సభ్యులను చంపేస్తామంటూ సందేశాలు వచ్చాయని, అంతేగాక అత్యాచారం బెదిరిపులు కూడా వచ్చాయని హీరో సిద్దార్థ్ వెల్లడించిన సంగతి తెలిసిందే. దీంతో తమిళనాడు బిజేపి, ఈ హీరో కు మధ్య మాటల యుద్దం మొదలైంది. ఈ వివాదం కాస్త దేశ వ్యాప్తంగా వివాదాస్పదం అయింది. అటు తేజస్వి సూర్యను కూడా సిద్దార్థ్ టార్గెట్ చేశాడు. తేజస్వి సూర్యను టెర్రరిస్ట్ తో పోల్చాడు సిద్దార్థ్. దీనిని దృష్టిలో పెట్టుకొని ఏపీ బిజేపి లీడర్ విష్ణువర్ధన్ రెడ్డి సిద్దార్థ్ కు చురకలు అంటించారు. సిద్దార్థ్ సినిమాలకు దావూద్ ఇబ్రహీం డబ్బులు ఇస్తున్నాడని విష్ణువర్ధన్ రెడ్డి సంచలన వ్యాఖ్యలు చేశారు. అయితే.. తాజాగా విష్ణువర్ధన్ రెడ్డి వ్యాఖ్యలకు హీరో సిద్దార్థ్ ట్విటర్ వేదికగా కౌంటర్ ఇచ్చాడు. నేను అసలైన భారతీయున్ని, సక్రమంగా పన్ను కడుతున్నానని.. వెళ్ళి పడుకో విష్ణు… ఇలాంటి మాటలు మాట్లాడడానికి సిగ్గుండాలి విష్ణు అంటూ కౌంటర్ ఇచ్చాడు సిద్దార్థ్. “దావూద్ నా టిడిఎస్ చెల్లించడానికి సిద్ధంగా లేడు. నేను పరిపూర్ణ పౌరుడిని, పన్ను చెల్లింపుదారున్ని విష్ణు. వెళ్ళి పడుకో. బిజెపి రాష్ట్ర కార్యదర్శి అంటా. సిగ్గుండాలి.” అంటూ ట్వీట్ చేశాడు.