Markapuram Road Accident: మార్కాపురం జిల్లాలో జరిగిన ఘోర రోడ్డుప్రమాదంలో మృతిచెందిన 14 మంది మృతదేహాలపై పోస్ట్మార్టం పూర్తి చేయబడింది. ప్రమాదంలో మృతదేహాలు తీవ్రంగా దహనమై, గుర్తించలేని స్థాయిలో ఉన్నందున, వారి కుటుంబ సభ్యులతో సరిపోల్చి గుర్తింపు కోసం డీఎన్ఏ పరీక్షలకు శాంపిల్స్ సేకరించారు.. వైద్య అధికారులు 14 మంది మృతుల డీఎన్ఏ శాంపిల్స్ సేకరించి, వాటిని విజయవాడకు తరలించారు. డీఎన్ఏ రిపోర్టులు వచ్చిన వెంటనే మృతదేహాలను వారి కుటుంబ సభ్యులకు అప్పగించేందుకు ఏర్పాట్లు కొనసాగుతున్నాయి. ఇంతకుముందు, ఈ రోడ్డు ప్రమాదంలో గాయపడ్డ 27 మంది బాధితుల్లో 11 మంది మార్కాపురం ఏరియా ఆస్పత్రిలో చికిత్స పొందుతున్నారు. మరో 16 మంది క్షతగాత్రులను ఒంగోలు జీ.జీ.హెచ్లో చికిత్స అందిస్తున్నారు. ఈ ఘటనతో సంబంధించి అధికారులు నిరంతరం పరిశీలన కొనసాగిస్తున్నారు, మృతుల కుటుంబాలకు అవసరమైన అన్ని సహాయ చర్యలు తీసుకోవడానికి ఏర్పాట్లు చేస్తున్నారు.
Read Also: Petrol & Diesel Price: ఎక్సైజ్ సుంకాన్ని తగ్గించిన కేంద్రం.. పెట్రోల్, డీజిల్ ధరలు తగ్గుతాయా..?
